Headlines News :

చిరంజీవితో మాట్లాడినా.. మాట్లాడకపోయినా..!

ముక్కుసూటిగా మాట్లాడి వివాదాలను కొని తెచ్చుకునే పోసాని కృష్ణమురళి మెగాస్టార్‌ చిరంజీవిపై మాత్రం ప్రశంసలు కురిపించారు. ఆయనలో తనకు నచ్చే క్వాలిటీ గురించి వివరించారు. ‘ఖైదీ నెంబర్‌ 150’ చిత్ర యూనిట్‌ పోసానికి సంబంధించిన ఓ వీడియోను సోషల్‌ మీడియాలో పోస్ట్‌ చేసింది.

‘చిరంజీవితో మనం ఎన్ని సంవత్సరాలైనా కలసి ప్రయాణం చెయ్యొచ్చు. ఆయనలో నాకు నచ్చేది ఏంటంటే.. మీరు చిరంజీవితో మాట్లాడండి.. మాట్లాడకపొండి.. మనం ఆయనకు నమస్కారం పెట్టామంటే చాలు.. తిరగి అంతే గౌరవంతో మనల్ని విష్‌ చేస్తారు. మానవతా దృక్పథంలో ఆయన నిజంగా చిరంజీవే. ఆయన 150వ సినిమా నేరుగా 150 రోజులు ఆడాలని కోరుకుంటున్నాన’న్నారు. ఇక, వినాయక్‌ తనకు చిన్నప్పటి నుంచి తెలుసని, ఆయనో జెంటిల్‌మన్‌ అని చెప్పారు. ‘ధృవ’ చిత్రంలో కూడా తనకు ఓ మంచి పాత్ర దక్కిందని, చిరు కుటంబంతో తన ప్రయాణం చాలా సంతోషంగా ఉందని తెలిపారు.













andhrajyothy.com

సంక్రాంతి పోటీలో చిరుపై బాలయ్యదే పైచేయి!

సంక్రాంతికి పెద్ద హీరోల చిత్రాలు సందడి చేయడం జనానికి మహదానందం కలిగిస్తుంది. రాబోయే సంక్రాంతి తెలుగువారికి మరింత ఆనందం పంచబోతోంది. ఎందుకంటే ఈ సారి టాప్ హీరోస్ చిరంజీవి, బాలకృష్ణ చాలా రోజుల తరువాత ఈ బరిలో ఢీ కొనబోతున్నారు.

తెలుగునాట ఎందరు స్టార్స్ వెలుగులోకి వచ్చినా, అసలు పోటాపోటీ సాగింది యన్టీఆర్, ఏయన్నార్ మధ్యే. ముఖ్యంగా సంక్రాంతి బరిలో వారిద్దరి చిత్రాలు ఢీ కొన్నతీరును జనం ఈ నాటికీ గుర్తుంచుకున్నారు. ఆ తరువాత ఆ తీరున సందడి చేసిన పోటీ బాలకృష్ణ, చిరంజీవి మధ్యే సాగిందని చెప్పాలి. ఎందుకంటే ఈ ఇద్దరు హీరోలు మాస్‌ను మెప్పిస్తూ సాగిన తీరుతోనే తెలుగు చిత్రసీమ పాతికేళ్ళు వెలిగింది. అందుకే పోటీ అంటే చిరంజీవి, బాలకృష్ణ సినిమాలు ఒకేసారి వస్తేనే మజా అంటూ ఉంటారు ఈ నాటికీ సినీఫ్యాన్స్. మళ్ళీ అలాంటి రసవత్తరమైన పోటీ సంక్రాంతికి నెలకొనబోతోంది. బాలకృష్ణ 100వ చిత్రం 'గౌతమీపుత్ర శాతకర్ణి', చిరంజీవి తాజా చిత్రం 'ఖైదీ నంబర్ 150' సంక్రాంతికి సందడి చేయనున్నాయి.

సంక్రాంతి బరిలో చిరంజీవి- బాలకృష్ణ మధ్య తొలిసారి పోటీ 1987లో చోటు చేసుకుంది. ఆ యేడాది చిరంజీవి 'దొంగమొగుడు'తో బాలకృష్ణ 'భార్గవరాముడు' ఢీ కొంది. ఒక్కో ప్రాంతంలో ఒక్కొక్కరిది పైచేయిగా సాగింది. అయితే మొత్తం వసూళ్ళ పరంగా చిరంజీవి 'దొంగమొగుడు'దే పైచేయిగా నిలచింది. తరువాత ఏడాది చిరంజీవి 'మంచిదొంగ'తో బాలకృష్ణ 'ఇన్ స్పెక్టర్ ప్రతాప్' పోటీ పడింది. ఈ రెండు చిత్రాలు కూడా ఒక్కో ఏరియాలో ఒక్కొక్కరిది పైచేయిగా సాగాయి. తరువాత 1997 సంక్రాంతి బరిలో చిరంజీవి 'హిట్లర్', బాలకృష్ణ 'పెద్దన్నయ్య' పోటీ పడగా రెండూ వసూళ్ళ వర్షం కురిపించాయి. వసూళ్ళ మొత్తంలో 'పెద్దన్నయ్య' కాస్త మెరుగనిపించింది.

చిరంజీవి 'స్నేహం కోసం', బాలకృష్ణ 'సమరసింహారెడ్డి' చిత్రాలు 1999లో సంక్రాంతి సీజన్‌లోనే పోటీ పడినా, రెండు సినిమాలకు పన్నెండు రోజులు తేడా ఉంది. చిరంజీవి సినిమా జనవరి 1న వచ్చి, తొలి పన్నెండు రోజులు బాగానే వసూళ్ళు రాబట్టింది. అయితే జనవరి 13న వచ్చిన 'సమరసింహారెడ్డి' ఆ యేడాది బంపర్ హిట్‌గా నిలచేలా విజయం సాధించింది. 1999 సంక్రాంతి బరిలో బాలకృష్ణది పైచేయి కాగా, 2000 సంక్రాంతి సందడిలో బాలకృష్ణ 'వంశోద్ధారకుడు'పై చిరంజీవి 'అన్నయ్య' పై చేయి సాధించింది.

వీరిమధ్య అసలు సిసలు సంక్రాంతి పోటీ అన్నది 2001లోనే సాగింది. ఈ యేడాది సంక్రాంతి కానుకగా చిరంజీవి 'మృగరాజు', బాలకృష్ణ 'నరసింహనాయుడు' ఒకే రోజున అంటే జనవరి 11న విడుదలయ్యాయి. బాలకృష్ణ 'నరసింహనాయుడు' ఆల్ టైమ్ హిట్‌గా నిలవగా, చిరంజీవి 'మృగరాజు' పరాజయాన్ని చవిచూసింది. ఆ తరువాత 2004లో బాలకృష్ణ 'లక్ష్మీనరసింహా', చిరంజీవి 'అంజి' సంక్రాంతికి తలపడ్డాయి. ఆ సారి కూడా బాలకృష్ణదే పైచేయి అయింది. ఆ తరువాత మళ్ళీ పదమూడేళ్ళకు అంటే 2017 సంక్రాంతి బరిలో చిరంజీవి, బాలకృష్ణ చిత్రాలు ఢీ కొనబోతున్నాయి. అందునా ఆ రెండు సినిమాలు వారిద్దరికీ ప్రతిష్ఠాత్మక చిత్రాలు కావడం విశేషం. బాలకృష్ణ చారిత్రక కథాంశంతో వస్తోంటే, చిరంజీవి రీమేక్‌పై ఆధారపడి వస్తున్నారు. మరి ఈ సారి సంక్రాంతి బరిలో ఈ ఇద్దరిలో ఎవరిది పైచేయి అవుతుందో చూడాలి.





andhrajyothy.com

చిక్కుల్లో కోడిరామకృష్ణ నాగభరణం సినిమా

‘అమ్మోరు’, ‘అరుంధతి’ చిత్రాల సృష్టికర్త తెలుగు దర్శక దిగ్గజం కోడి రామకృష్ణ తెరకెక్కించిన మరో విజువల్‌ వండర్‌ దేవతా చిత్రం ‘శివనాగం’. కన్నడంలో భారీ బడ్జెట్‌తో రూపొందించిన ఈ చిత్రం షూటింగ్‌ పూర్తి చేసుకొని విడుదలకు సిద్ధమవుతోంది. వచ్చే 14వ తేదీన ‘శివనాగం’ను ప్రేక్షకుల ముందుకు తీసుకురానున్నట్టు నిర్మాతలు ప్రకటించారు. దేవతా చిత్రాలకు దక్షిణాది భాషల్లో ఉన్న ఆదరణ దృష్ట్యా ఈ చిత్రాన్ని తమిళం, తెలుగు భాషల్లో కూడా విడుదల చేస్తున్నారు.

అయితే కావేరీ జలాల వ్యవహారంలో కర్ణాటక, తమిళనాడుల మధ్య చిచ్చు రేగడంతో ‘శివనాగం’ విడుదలపై సందిగ్ధత ఏర్పడింది. ప్రభుత్వాలకు సంబంధించిన ఈ వ్యవహారంలో కన్నడ తారలు జోక్యం చేసు కోవడంపై తమి ళ ప్రజలు ఆగ్ర హం ఉన్న నేప థ్యంలో ‘శివనాగం’ తమిళంలో విడుదల కావడం సందేహమే అంటున్నారు. అందు లోనూ ఇతర భాషా చిత్రాలను కన్నడంలో డబ్బింగ్‌ చేయకూడదని కన్నడ సినీపరిశ్రమ ఇదివరకే ఒక తీర్మానం చేసింది. ఇలాంటి పరిస్థితుల్లో కన్నడ చిత్రాన్ని తమిళంలో విడుదల చేయడంలో ఎంత వరకు విజయం సాధిస్తారో చూడాలి.









andhrajyothy.com

ఇది కూడా జగన్ పాపమే అని అంటారేమో?

చంద్రబాబునాయుడుకు ఒక రకంగా ఎదురుదెబ్బ తగిలింది. సింగపూర్ ప్రభుత్వంలో నేను ఎంత చెబితే అంతే అన్నట్లుగా చంద్రబాబునాయుడు డాంబికాలు చెప్పుకుంటూ ఉంటారు... అలాంటిది ప్రస్తుతం భారత పర్యటనలో ఉన్న సింగపూర్ ప్రధాని కనీసం అమరావతికి రాకపోవడం అనేది అచ్చంగా చంద్రబాబు వైఫల్యమే అవుతుందని జనం అనుకుంటున్నారు. భారత పర్యటనలో ఉన్న సింగపూర్ ప్రధాని మామూలుగా అయితే.. అమరావతి పర్యటనకు కూడా రావాల్సి ఉంది. అయితే.. ఆయన రావడం లేదని అమరావతి ట్రిప్ క్యాన్సిల్ చేసుకున్నారని తాజాగా వార్తలు వస్తున్నాయి. ఎందుకిలా జరిగింది. సింగపూర్ వంటి క్రమశిక్షణ గల దేశం ప్రధాని చివరినిమిషంలో ఇలా క్యాన్సిల్ చేసుకోవడం ఏంటి? అని ఎవరికైనా అనిపిస్తుంది.

అయితే సింగపూర్ కంపెనీలు - అక్కడి ప్రభుత్వం భాగస్వాములుగా అమరావతి నిర్మాణం చేస్తాం అంటూ చంద్రబాబు ప్రకటించిన స్విస్ ఛాలెంజ్ విధానం రచ్చకెక్కినందువల్లనే సింగపూర్ ప్రధాని భయపడిపోయారని జనం అనుకుంటున్నారు.

నిజానికి స్విస్ ఛాలెంజ్ అనే కుట్రపూరితమైన టెండర్ల ప్రక్రియ ద్వారా అవినీతికి పాల్పడడానికి చంద్రబాబు ప్రభుత్వం ప్రయత్నిస్తున్నదంటూ హైకోర్టులో పిటిషన్లు దాఖలయ్యాయి. విచారించిన ధర్మాసనం కూడా.. స్విస్ ఛాలెంజ్ అనే పద్ధతి మీదనే అనేక సందేహాలు వ్యక్తం చేసింది. అంత గుంభనంగా ఎందుకు వ్యవహారాలు నడిపిస్తున్నారంటూ ప్రశ్నించింది. మొత్తానికి టెండర్ల ప్రక్రియకు విరామం పడినట్లే. అంటే అసలు కోర్టు తీర్పులు వెలువడి.. వ్యవహారం ఫైనలైజ్ అయ్యేసరికి ఏంజరుగుతుందో అర్థం కాని పరిస్థితి. అందుకే సింగపూర్ ప్రధాని తన పరువుకు భంగం రాకుండా పర్యటన రద్దు చేసుకుని ఉంటారని జనం అనుకుంటున్నారు.

అయితే ఈ పర్యటన రద్దు వ్యవహారాన్ని కూడా జగన్ పాపం కింద చంద్రబాబు ప్రచారం చేస్తారేమో అని జనం అనుకుంటున్నారు. ప్రభుత్వం పరువు తీయడానికే జగన్ కేసులు వేయిస్తున్నాడని అవినీతిని ఎత్తిచూపితే అభివృద్ధిని అడ్డుకుంటున్నారని ఆరోపించడం.. చంద్రబాబుకు అలవాటు అయిపోయిందని.. ఆ నేపథ్యంలో.. సింగపూర్ ప్రధాని పర్యటన రద్దును కూడా జగన్ పాపంగా చంద్రబాబు అభివర్ణించినా ఆశ్చర్యం లేదని జనం జోకులేసుకుంటున్నారు.



tupaki.com

జిల్లాల ఏర్పాటు వెనుక కేసీఆర్ వ్యూహం ఇదీ!


తెలంగాణలో ముప్పైకి పైగా జిల్లాలు! ఇంకా పెరిగినా ఆశ్చర్యం లేదు! మరి దీనివెనుక ఉన్న రహస్యం ఏమిటి?  సీఎం కేసీఆర్ చెబుతున్నట్టు పాలనా సౌలభ్యమే నా?  లేక రాజకీయ ఎత్తుగడ ఏమైనా ఉందా? ఇప్పుడు ఇదే విషయం తెలంగాణలోని మేధావులను తొలిచేస్తోంది. వాస్తవానికి తెలంగాణను బంగారు తెలంగాణ చేయడంలో భాగంగా ఇప్పుడున్న 10 జిల్లాలను పెంచాల్సిన అవసరం ఉందని పాలన పగ్గాలు చేట్టిన తొలి వారంలోనే ప్రకటించిన సీఎం కేసీఆర్.. దానికి తగినట్టుగానే ప్రయత్నాలు ముమ్మరం చేశారు. ఎక్కడెక్కడ జిల్లాలు ఏర్పాటు చేస్తే.. పాలన బాగుంటుంది అట్టడుగు వారికి కూడా పాలన చేరువ అవుతుంది ఆయన అంచనా వేశారు. దాని ప్రకారం మొత్తం 25 జిల్లాలు ఉంటే సరిపోతుంది అని లెక్కగట్టారు.

మొత్తంగా క్రతువు ప్రారంభించారు. అయితే - వరంగల్ - కరీంనగర్ - మహబూబ్ నగర్ జిల్లాల నుంచి తమ ప్రాంతాలను కూడా జిల్లాలుగా ప్రకటించాలంటూ జనగామ - గద్వాల - సిరిసిల్ల ప్రజలు ప్రభుత్వంపై దండెత్తారు. అయితే కేసీఆర్ మొదట్లో ఈ డిమాండ్లను పట్టించుకోలేదు. పాలనా పరంగా జిల్లా చేసేందుకు వాటికి ఆయా లక్షణాలు లేవని పక్కకు పెట్టారు. దీంతో ఆయా ప్రాంతాల్లో పెద్ద ఎత్తున ఉద్యమాలు బయల్దేరాయి. కాంగ్రెస్ మాజీ మంత్రి డీకే అరుణ దీక్షకు దిగి.. పదవికి రాజీనామా చేశారు. అయినా కేసీఆర్ తొలి రెండు రోజులు చలించలేదు. విపక్షాలన్నాక ఆమాత్రం యాగీ చేయవా అని తన సన్నిహితుల వద్ద వ్యాఖ్యానించారట కూడా.

 అంతేకాదు మనం ఇస్తూ.. పోతే.. వాళ్లు నివసిస్తున్న ఏరియాను కూడా జిల్లా చేయమంటారంటూ అధికారుల వద్ద విమర్శించారని వార్త లీకైంది. మరి అలాంటి కేసీఆర్ ఒక్కసారిగా ఉన్నట్టుండి.. తన పంథా మార్చుకుని.. పండగ పూట వాళ్లు ఏడ్వడమెందుకు నన్ను తిట్టడమెందుకు అంటూ.. కోరినన్ని జిల్లాలు ఇచ్చేందుకు సిద్ధపడ్డారు. దీంతో తెలంగాణ లో జిల్లాల సంఖ్య 31కి చేరింది. అయితే కేసీఆర్ వ్యూహం వెనుక ప్రతిపక్షాలను దారిలోకి తెచ్చుకోవడమే కాకుండా ప్రజలలో తనపై వ్యతిరేకత రాకుండా చూసుకున్నారని టాక్.

జిల్లాల ఏర్పాటులో మొదట ఉన్న పాలనా సౌలభ్యం అనే సూత్రం రానురాను పొలిటికల్ సౌలభ్యంగా మారిందని తెలుస్తోంది. ఈ క్రమంలో నే ఆయా ప్రాంతాలను జిల్లాలుగా ప్రకటించకపోతే టీఆర్ ఎస్ సహా కేసీఆర్ పై వ్యతిరేకత గూడుకట్టుకునే ప్రమాదం ఉందని అదేసమయంలో జిల్లాలు ఇచ్చేస్తే.. తాను దేవుడిగా చిరస్థాయిగా గుర్తిండిపోయే ఛాన్స్ ఉందని కేసీఆర్ లెక్కలేసుకుని ఈ జిల్లాలకు పచ్చజెండా ఊపారని తెలుస్తోంది! సో.. ఎంతైనా.. కేసీఆర్ వ్యూహమే వ్యూహం అంటున్నారు విశ్లేషకులు!





tupaki.com

బాబుకు పూర్తి రివర్స్ మాట చెప్పిన మోడీ


ఇండియన్ ఆర్మీ పాకిస్థాన్ లోని ఉగ్రస్థావరాలపై చేసిన దాడి...ఈ ఎపిసోడ్ పై దేశం మొత్తం ప్రధానమంత్రి నరేంద్ర మోడీని బీజేపీని ప్రశంసిస్తోంది. అయితే సందట్లో సడేమియాలాగా ఆ పార్టీ నేతలు - ప్రభుత్వంలోని భాగస్వామ్యులు దీన్ని హైప్ చేసుకుంటున్నారు. ఎందుకంటే చిన్నవిజయమైన రాజకీయాల్లో ముఖ్యం కాబట్టి. అయితే . ఇవాళ జరిగిన కేబినెట్ కమిటీ ఆన్ సెక్యూరిటీ సమావేశంలో ప్రధాని నరేంద్ర మోడీ దీన్ని తప్పుపట్టారు. ఉగ్ర స్థావరాలపై చేసిన దాడుల గురించి అతిగా మాట్లాడటం - గొప్పలు చెప్పుకోవడం చేయొద్దని మంత్రులను హెచ్చరించారు. కేవలం అనుమతి ఉన్న వ్యక్తులే ఈ దాడులపై స్పందించాలని ఆయన స్పష్టంచేశారు. యూరిలో ఉగ్రదాడులకు ప్రతీకారంగా గతవారం ఉగ్రస్థావరాలపై ఆర్మీ సర్జికల్ దాడులను యూపీ - పంజాబ్ ఎన్నికల్లో గెలుపు కోసం బీజేపీ వాడుకుంటోందన్న విమర్శలు కూడా వచ్చాయి. ఈ నేపథ్యంలోనే మోదీ మంత్రులకు ఈ సూచన చేసినట్లు తెలుస్తోంది.

కాకతీళయంగా మరో సందర్భంగా ఏపీ ముఖ్యమంత్రి నారా చంద్రబాబు నాయుడు తన మంత్రివర్గ సహచరుకులకు దీనికి పూరత్ఇ విరుద్ధహైన సూచన చేశారు.  గుంటూరు జిల్లా తాడేపల్లిలోని కేఎల్ వర్శిటీలో మూడ్రోజుల పాటు నిర్వహిస్తున్న తెలుగుదేశం పార్టీ శిక్షణాతరగతుల్ని ఆ పార్టీ జాతీయాధ్యక్షుని హోదాలో చంద్రబాబు ప్రారంభించారు. అనంతరం ఈ మూడ్రోజుల శిక్షణలో నాయకత్వ సాధికారతపై ప్రసంగిస్తూ... "రాష్ట్రంలో ఎన్ని ఆర్ధిక ఒడిదొడుకులు ఎదుర్కొంటున్నా జాతీయస్థాయిలో అన్ని రాష్ట్రాలకు మించి అభివృద్ధి సాధించాం.. కేంద్ర సగటుకంటే దాదాపు రెండురెట్లు అధికంగా ఉత్పత్తిలో వృద్ధి నమోదు చేశాం..విద్య - ఆరోగ్యాల నుంచి అన్ని రంగాలకు విశేష ప్రాధాన్యతనిస్తున్నాం.. జలవనరులకు పెద్ద పీటేశాం..అంతమాత్రాన సరిపోదు.. ప్రజలకు సంక్షేమం అభివృద్ధి కల్పించడమేకాదు.. దీనిపై క్షేత్రస్థాయిలో సమర్ధవంతంగా ప్రచారం చేయాలి.. ఇప్పట్నుంచే శ్రేణుల్ని వచ్చే ఎన్నికలకు సమాయత్తం చేయాలి "అంటూ ముఖ్యమంత్రి నారా చంద్రబాబు నాయుడు సూచించారు. చూస్తుంటే ప్రధానమంత్రి ప్రసంగానికి పూర్తి విరుద్ధంగా బాబు స్పీచ్ సాగిందనే అభిప్రాయాన్ని పలువురు వ్యక్తపరుస్తున్నారు.





tupaki.com

సోషల్ మీడియాలో జనసేన ప్రభంజనం

ఇంకో రెండేళ్ల తర్వాతే పూర్తి స్థాయి రాజకీయాల్లోకి వస్తానని ప్రకటించినప్పటికీ.. ఇప్పట్నుంచే ఆ దిశగా కార్యాచరణ సిద్ధం చేస్తున్నాడు జనసేన అధినేత పవన్ కళ్యాణ్. ఇటీవలే ప్రత్యేక హోదా విషయమై పోరాటం మొదలుపెట్టిన పవన్.. ఇప్పుడు జనసేన పార్టీని యువతలోకి తీసుకెళ్లడానికి సన్నాహాలు చేస్తున్నాడు. ఈ రోజు సోషల్ మీడియాలోకి జనసేన అరంగేట్రం చేసింది. పవన్ పార్టీ కోసం ట్విట్టర్లో.. ఫేస్ బుక్ లో అధికారిక అకౌంట్లు తెరిచారు. అంతే కాక యూట్యూబ్ లోనూ జనసేన కోసం ప్రత్యేకంగా ఒక ఛానెల్ మొదలుపెట్టారు.

ఇవన్నీ ఈ రోజు నుంచి యాక్టివ్ గా ఉంటాయని.. పార్టీకి సంబంధించిన విశేషాలన్నింటినీ ఇందులో పంచుకుంటామని జనసేన నాయకులు ప్రకటించారు. పార్టీ విధానాలు.. సిద్ధాంతాలు.. వివిధ అంశాలపై పవన్ అభిప్రాయాలు.. పవన్ రాజకీయా కార్యకలాపాలపై అప్ డేట్స్.. ఇతర విశేషాల్ని ఇందులో సోషల్ మీడియాలో అధికారికంగా వెల్లడిస్తామన్నారు. అభిమానులు.. కార్యకర్తలు వీటిని అనుసరించాలని కోరారు. జనసేన.. మనసేన అనే నినాదంతో ఓ లోగో తయారు చేసి.. ఈ పేజీల ముఖచిత్రాల్ని అలంకరించారు వీటి నిర్వాహాకులు. 

జనసేన పార్టీకి సంబంధించిన అఫీషియల్ ట్విట్టర్.. ఫేస్ బుక్.. యూట్యూబ్ ఛానెల్ లింకులివే..

https://twitter.com/thejanasena

https://www.facebook.com/thejanasenaparty/?ref=page_internal

https://www.youtube.com/channel/UCrKevLQTcgUp2kZ-WE0pWZQ


tupaki.com

తమ్ముళ్ల ఇసుక దోపిడీ బాబుకు తెలీదా ?

రాష్ట్రంలో ఇసుక దోపిడీకి పాల్పడుతున్నది అధికార పార్టీ నేతలేనని వైఎస్సార్ కాంగ్రెస్ పార్టీ ఎమ్మెల్యే ఆళ్ల రామకృష్ణారెడ్డి ఆరోపించారు. హైదరాబాద్ లో గురువారం ఆయన మీడియాతో మాట్లాడుతూ...ఇసుక అక్రమ తరలింపుపై తీవ్రస్థాయిలో ధ్వజమెత్తారు. 
 
ఇసుక దోపిడీదారులపై చర్యలు తీసుకుంటామంటున్న బాబుకు తన ఇంటి చుట్టూ ఉన్న ఇసుకను టీడీపీ నేతలు దోచుకుంటున్న విషయం సీఎంకు తెలీదా ..? అని ఎమ్మెల్యే ఆర్కే ప్రశ్నించారు.  

జగన్‌కు జమ్మలమడుగులో బ్రహ్మరథం

కడప గడపలో ప్రతిపక్షనేత వైఎస్‌ జగన్‌మోహన్‌రెడ్డికి ప్రజానీకం బ్రహ్మరథం పట్టారు. బుధవారం సాయంత్రం వైఎస్సార్‌ జిల్లా ముద్దనూరులో పార్టీ కార్యాలయం ప్రారంభోత్సవానికి వస్తున్నారని తెలుసుకొని జనం దారి పొడవునా ఎదురేగి స్వాగతం పలికారు. నాలుగురోడ్ల కూడలి చేరుకోగానే ఓపెన్‌ టాప్‌ వాహనంపై వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి, కడప ఎంపీ వైఎస్‌ అవినాష్‌రెడ్డి, జమ్మలమడుగు సమన్వయకర్త డాక్టర్‌ సుధీర్‌రెడ్డిలతో ర్యాలీ నిర్వహించారు. ప్రజలకు అభివాదం చేస్తూ ముందుకు కదిలారు. ఆర్యవైశ్యుల ఆహ్వానం మేరకు  వైఎస్‌ జగన్‌ ముందుగా అమ్మవారిని దర్శించుకున్నారు. అనంతరం అమ్మవారిశాలకు సమీపంలోనే ఏర్పాటు చేసిన వైఎస్సార్‌సీపీ కార్యాలయాన్ని ప్రారంభించారు. ఈ కార్యక్రమంలో మాజీ మంత్రి వైఎస్‌ వివేకానందరెడ్డి, జిల్లా అధ్యక్షుడు ఆకేపాటి అమర్‌నాథరెడ్డి పాల్గొన్నారు.

తరలివచ్చిన జమ్మలమడుగు నేతలు..
వైఎస్‌ కుటుంబానికి ద్రోహం తలపెట్టి జమ్మలమడుగు ఎమ్మెల్యే ఆదినారాయణరెడ్డి, ఎమ్మెల్సీ నారాయణరెడ్డి తెలుగుదేశం పార్టీలో చేరిన విషయం విదితమే. ఈ నేపథ్యంలో అండగా తామున్నామంటూ నియోజకవర్గవ్యాప్తంగా నాయకులు వైఎస్‌ జగన్‌మోహన్‌రెడ్డి పర్యటనకు తరలివచ్చారు. నియోజకవర్గంలోని ఆరు మండలాల నుంచి భారీగా వైఎస్సార్‌సీపీ అభిమానులు , నాయకులు వచ్చారు. మీకు అండగా మేమున్నామంటూనే, వైఎస్సార్‌ మా గుండెల్లో ఉన్నారు, అవకాశవాదులకు బుద్ధి చెబుతామంటూ పలువురు నినాదాలు చేశారు.

ఏసీసీ బాధితులకు భరోసా..
ఏసీసీ బాధిత రైతుల న్యాయమైన కోర్కెలను సాధించుకోవడానికి వైఎస్సార్‌సీపీ ముందువరుసలో నిలిచి పోరాటం చేస్తుందని ప్రతిపక్షనేత వైఎస్‌ జగన్‌మోహన్‌రెడ్డి భరోసా ఇచ్చారు. మైలవరం మండలం వద్దిరాల, గొల్లపల్లె, ఉప్పలపాడు తదితర గ్రామాలకు చెందిన రైతులు స్థానిక వైఎస్సార్‌సీపీ నాయకుడు రామాంజనేయులుయాదవ్‌ నేతృత్వంలో ముద్దనూరు వద్ద కలిశారు. 1996లో సిమెంటు ఫ్యాక్టరీ నిర్మిస్తామంటూ ఏసీసీ యాజమాన్యం తమ ప్రాంతంలో 2700 ఎకరాల పంటపొలాలను కొనుగోలు చేసిందని వివరించారు. ఇప్పటివరకూ కనీసం పునాదిరాయి కూడా వేయలేదని వారు చెప్పారు.

అప్పట్లో తక్కువ ధరకు భూములు కోల్పోయిన రైతులకు అదనపు పరిహారం చెల్లించాలని తాము డిమాండ్‌ చేస్తుంటే అధికారులు తమపై  కేసులు పెట్టి గొంతునొక్కుతున్నారని వారు వాపోయారు. రైతుల సమస్యలను ఓపిగ్గా ఆలకించిన ప్రతిపక్షనేత వైఎస్‌ జగన్‌ పాలకుల బెదిరింపులకు భయపడాల్సిన పనిలేదన్నారు. అప్పట్లో భారతి సిమెంటు ఎకరాకు రూ.2లక్షలు అదనపు పరిహారం చెల్లించిందని, ఇప్పటి ధరల ప్రకారం ఏసీసీ యాజమాన్యం ఎకరాకు రూ.4లక్షలు చెల్లించవచ్చని ఆయన సూచించారు. ఈనెల 20వ తేదీన గొల్లపల్లె వద్ద రైతులు చేపట్టనున్న ధర్నాకు వైఎస్సార్‌సీపీ తరుపున కడప ఎంపీ వైఎస్‌ అవినాష్‌రెడ్డి, జమ్మలమడుగు ఇన్‌ఛార్జి సుధీర్‌రెడ్డిలు హాజరవుతారని ఆయన పేర్కొన్నారు.

ప్రొద్దుటూరు ఉత్సవాలకు హాజరు
 మైసూరు తర్వాత ఆ స్థాయిలో దసరా ఉత్సవాలు నిర్వహించే ప్రొద్దుటూరులో ఆర్యవైశ్యుల ఆహ్వానం మేరకు ప్రతిపక్షనేత వైఎస్‌ జగన్‌మోహన్‌రెడ్డి బుధవారం రాత్రి దసరా ఉత్సవాల్లో పాల్గొన్నారు. అమ్మవారికి, సమీపంలో ఉన్న చెన్నకేశవస్వామికి ప్రత్యేక పూజలు నిర్వహించారు. ఉత్సవాలకు  వైఎస్‌ జగన్‌ హాజరవుతున్న విషయం తెలుసుకొని పట్టణ ప్రజలు పెద్ద ఎత్తున తరలి వచ్చారు.  ఈ సందర్భంగా విపక్షనేత వైఎస్‌ జగన్‌మోహన్‌రెడ్డితోపాటు, ఎమ్మెల్యే రాచమల్లు ప్రసాద్‌రెడ్డి, ఎంపీ వైఎస్‌ అవినాష్‌రెడ్డిలను ఉత్సవ కమిటీ సన్మానించింది. ఈ కార్యక్రమంలో ప్రొద్దుటూరు పట్టణ ఆర్యవైశ్య సభ అధ్యక్షుడు బుశెట్టి రామ్మోహన్‌రావు, ఆంధ్రప్రదేశ్‌ ఆర్యవైశ్య మహాసభ ఉపాధ్యక్షుడు చిప్పగిరి ప్రసాద్‌ తదితరులు పాల్గొన్నారు. అంతకు ముందు ఉదయం పులివెందుల మండలం వెంకటాపురంలో ఇటీవల వృతి చెందిన తిమ్మనాయుడు కుటుంబసభ్యులను వైఎస్‌ జగన్‌ పరామర్శించారు. అలాగే వేముల మాజీ జెడ్పీటీసీ సభ్యురాలు సత్యప్రభావతమ్మ కుమారుడు పవన్‌కుమార్‌రెడ్డి రోడ్డు ప్రమాదంలో గాయపడ్డారు. దీంతో పులివెందులలో ఆయన ఇంటికి వెళ్లి ప్రమాదానికి కారణాలు అడిగి తెలుసుకున్నారు. ఆరోగ్య పరిస్థితిపై వాకబు చేశారు.







sakshi.com



అమ్మ కోసం.. ఎయిమ్స్ వైద్య బృందం!

తమిళనాడు ముఖ్యమంత్రి జయలలితకు చికిత్స అందించేందుకు ఆలిండియా ఇన్‌స్టిట్యూట్ ఆఫ్ మెడికల్ సైన్సెస్ (ఎయిమ్స్) నుంచి ముగ్గురు వైద్యులతో కూడిన ప్రత్యేక బృందం ఒకటి చెన్నై అపోలో ఆస్పత్రికి చేరుకుంది. పల్మనాలజిస్టు డాక్టర్ జీసీ ఖిల్నాని, కార్డియాలజిస్టు డాక్టర్ నితీష్ నాయక్, అనస్థటిస్టు డాక్టర్ అంజన్ ట్రిఖాలతో కూడిన బృందం గురువారం ఉదయమే చెన్నై చేరుకుంది. వైద్యులు జయలలితను పరీక్షించిన తర్వాతే ఏ విషయమైనా చెప్పగలమని ఆస్పత్రి వర్గాలు తెలిపాయి.

జయలలిత ఆరోగ్య పరిస్థితి గురించి సర్వత్రా ఆందోళన వ్యక్తం అవుతుండటంతో మద్రాస్ హైకోర్టుకు అపోలో వైద్య బృందం, తమిళనాడు ప్రభుత్వం కూడా వివరించనున్నాయి. సెప్టెంబర్ 22వ తేదీన తీవ్ర జ్వరం, డీహైడ్రేషన్‌తో చెన్నై అపోలో ఆస్పత్రిలో చేరిన జయలలిత ఇప్పుడు కోలుకుంటున్నారని, చికిత్సకు స్పందిస్తున్నారని ఆస్పత్రి తాజాగా విడుదల చేసిన హెల్త్ బులెటిన్‌లో పేర్కొంది. ప్రస్తుతం ఆమె వైద్యుల పర్యవేక్షణలో ఉన్నారని, మరికొంత కాలం ఆస్పత్రిలోని ఉండాల్సి ఉంటుందని అన్నారు. లండన్‌లోని సెయింట్ థామస్ ఆస్పత్రిలో ఇంటెన్సివ్ కేర్ మెడిసిన్ స్పెషలిస్టు అయిన డాక్టర్ రిచర్డ్ బీలే కూడా ఇప్పటికే అమ్మ చికిత్సను పర్యవేక్షిస్తున్నారు.







sakshi.com

ఇలాగైతే పరిశ్రమలు ఎలా వస్తాయి?: రఘువీరా

రాష్ట్రంలో పరిశ్రమలకు రాయితీలు ఇవ్వకుండా కేంద్ర ప్రభుత్వం మోసం చేస్తోందని పీసీసీ అధ్యక్షుడు ఎన్.రఘువీరారెడ్డి ధ్వజమెత్తారు. ఇలాగైతే కొత్త పరిశ్రమలు ఏవిధంగా వస్తాయని కేంద్రమంత్రి వెంకయ్యనాయుడును ప్రశ్నించారు. సోమవారం ఇందిరభవన్‌లో ఆయన విలేకరులతో మాట్లాడారు.

ఐదేళ్లలోపు స్థాపించుకునే పరిశ్రమలకు 15 శాతం అదనపు తరుగుదల, 15 శాతం పెట్టుబడి అలవెన్స్‌లతో సెంట్రల్ బోర్డ్ ఆఫ్ డెరైక్ట్ ట్యాక్ (సీబీడీటీ) సర్క్యులర్ జారీ చేయడం దారుణమన్నారు. శాసన మండలిలో విపక్షనేత సి.రామచంద్రయ్య మాట్లాడుతూ సీఎం చంద్రబాబు టైస్టులా, సైకోలా తయారయ్యారని ధ్వజమెత్తారు. ప్రత్యేక హోదా పేరుతో విద్యార్థులు ఉద్యమాల్లో పాల్గొన్నా, రైతులు వారికి రావాల్సిన పరిహారం కోసం దీక్షలు చేసినా పీడీ యాక్టు నమోదు చేస్తామంటూ బెదిరించడం దుర్మార్గమన్నారు.

కాపు ఉద్యమంపై మడమ తిప్పే ప్రశ్నే లేదు

‘రాష్ట్ర ప్రభుత్వం కాపు ఉద్యమంపై ఉక్కుపాదం మోపవచ్చు. ఆందోళనకారులపై నిర్బంధ కాండ కొనసాగవచ్చు. అయినా వెనకడుగు వేసే ప్రసక్తే లేదు’ అని కాపు రిజర్వేషన్ల పోరాట సమితి నాయకుడు, మాజీ మంత్రి ముద్రగడ పద్మనాభం చెప్పారు. ఉద్యమానికి నాయకత్వం వహించే వారు అన్నింటికీ సిద్ధపడాలని, క్రమశిక్షణతో మెలిగి ముందుకు తీసుకువెళ్లాలని సలహా ఇచ్చారు. ఉద్యమ ఉధృతంపై దిశాదశను ఖరారు చేసేందుకు హైదరాబాద్ వచ్చిన ముద్రగడ, ఆయన అనుచరులు బుధవారమిక్కడ 13 జిల్లాల జేఏసీ నేతలతో సమావేశమయ్యారు.  భవిష్యత్ కార్యాచరణ కార్యక్రమాన్ని ఈనెల 12,13 తేదీలలో తూర్పుగోదావరి జిల్లా కిర్లంపూడిలో ప్రకటిస్తామన్నారు. చంద్రబాబు సాధ్యమైనంత వరకు రెచ్చగొట్టడానికే ప్రయత్నిస్తారన్నారు. అన్ని పార్టీల సహకారాన్ని కోరేందుకు త్వరలో లేఖలు రాస్తామన్నారు.

 రోశయ్యతో ముద్రగడ భేటీ : అంతకుముందు ముద్రగడ పద్మనాభం, ఆయన అనుచరులు మాజీ ముఖ్యమంత్రి, మాజీ గవర్నర్ కె.రోశయ్యను ఆయన స్వగృహంలో మర్యాదపూర్వకంగా కలిశారు. ఆయన యోగక్షేమాలను తెలుసుకున్నారు.

ఆరోగ్యశ్రీ అనారోగ్యశ్రీగా మారింది

రాష్ట్రంలో పేద ప్రజలకు సర్కారు వైద్యం అందక తీవ్ర ఇబ్బందుల పాలవుతున్నారని, ఆరోగ్యశ్రీ కాస్త అనారోగ్యశ్రీగా మారిందని కాంగ్రెస్ మాజీ ఎంపీ మధుయాష్కి గౌడ్ ఆరోపించారు. గాంధీభవన్‌లో బుధవారం ఆయన విలేకరులతో మాట్లాడారు. కాంగ్రెస్ హయాంలో ఏర్పాటుచేసిన 108, 104 లను సీఎం కేసీఆర్ పూర్తిగా నిర్వీర్యం చేశారన్నారు. వేలాది మంది పేద ప్రజల ఆరోగ్యంతో చెలగాటమాడుతున్నారని మండిపడ్డారు.

మండలానికొక ఆస్పత్రి, నియోజకవర్గానికొక సూపర్‌స్పెషాలిటీ ఆస్పత్రి చొప్పున నిర్మిస్తామని మేనిఫెస్టోలో పెట్టిన ప్రకటన ఏమైందని ప్రశ్నించారు. కార్పొరేట్ ఆస్పత్రులకు పెద్దపీట వేసి, ప్రభుత్వ ఆస్పత్రులను నిర్వీర్యం చేస్తున్నారని దుయ్యబట్టారు. నగరంలోని కాంటినెంటల్ ఆస్పత్రిలో ఎంపీ కల్వకుంట్ల కవిత వాటా ఎంతో చెప్పాలని ప్రశ్నించారు. కేసీఆర్ పాలన నిజాం పాలనను తలపిస్తోందన్నారు. బెదిరింపుల ధోరణితో విపక్షాల నోరు నొక్కుతున్నారని వ్యాఖ్యానించారు.








sakshi.com

‘సీఎం అదృష్ట సంఖ్య కోసం జిల్లాలా?’

జిల్లాల సంఖ్య ప్రజల అవసరాలు తీర్చడానికా లేక సీఎం కేసీఆర్ అదృష్ట సంఖ్య కోసమా అని టీటీడీపీ ప్రశ్నించింది. జిల్లాల విభజన పిప్పర్‌మెంట్ల పంపకాలను తలపిస్తోందని ఎద్దేవా చేసింది. తెలంగాణ ప్రజల బతుకు మారుస్తామని అధికారంలోకి రాగానే వాస్తు పేరుతో బంగ్లాలు, కలర్ల పేరుతో కార్లు మారుస్తూ, ఇప్పుడు అదృష్టసంఖ్య పేరుతో 20,26,27,30,33 జిల్లాలు అంటూ రోజుకో ప్రకటన చేస్తూ తుగ్లక్ పాలనను మరిపిస్తున్నారని ధ్వజమెత్తింది. బుధవారం ఆ పార్టీ అధికార ప్రతినిధి నన్నూరి నర్సిరెడ్డి విలేకరులతో మాట్లాడుతూ.. శాస్త్రీయ విధానం లేకుండా, రాజకీయ అవసరాలు, కుట్రలు, కుతంత్రాలతో ప్రత్యర్థులను దెబ్బతీయాలనే లక్ష్యంతో సీఎం వ్యవహరిస్తున్నట్లు కనిపిస్తోందని ఆరోపించారు.

 ఆలేరును రెవెన్యూ డివిజన్‌గా ప్రకటించాలి: మోత్కుపల్లి
తెలంగాణ పోరాట యోధురాలు ఆరుట్ల కమలాదేవి పేరు మీద ఆలేరును రెవెన్యూ డివిజన్‌గా ప్రకటించాలని టీడీపీ నేత మోత్కుపల్లి నర్సింహులు డిమాండ్ చేశారు. ఈ డివిజన్ ఏర్పాటుకు సహకరించాలని హైపవర్ కమిటీ చైర్మన్ కేశవరావుకు, ప్రభుత్వ ప్రధానకార్యదర్శికి లేఖలు పంపుతున్నట్లు చెప్పారు.







sakshi.com

జియో ఉద్యోగులకు ఫెస్టివల్ గిప్ట్

రిలయన్స్ ఇండస్ట్రీస్ టెలికాం సంస్థ జియో ఇన్ఫోకామ్ తన ఉద్యోగులకు పండుగ కానుకలు తీసుకొచ్చింది. ఉత్తమమైన ప్రతిభ కనబర్చి 4జీ నెట్ వర్క్ ఆపరేషన్స్ ను విజయవంతంగా ప్రజల్లోకి తీసుకెళ్లడానికి కృషిచేస్తున్న ఉద్యోగులకు వేతనాలను 15 శాతం పెంచింది. పనితీరు బాగున్న జూనియర్, మధ్యశ్రేణి ఉద్యోగులకు ఈ వేతనాలు పెరిగినట్టు కంపెనీకి చెందిన ఒకరు చెప్పారు. అదేవిధంగా ఉన్నతస్థాయి పదవుల్లో బాధ్యతలు నిర్వహిస్తున్న సీనియర్ ఎగ్జిక్యూటివ్స్, డీజీఎమ్ స్థాయి వారికి కూడా ప్యాకేజీ 10 శాతం ఎగిసినట్టు వెల్లడించారు. నెట్ వర్క్స్/నెట్ వర్క్స్ ఐటీ అండ్ సపోర్టు, సేల్స్, మార్కెటింగ్, కస్టమర్ కేర్, ప్రాజెక్టు, హెచ్ఆర్, రెగ్యులేటరీలో పనిచేసే వారు ఈ వేతనాల ఇంక్రిమెంట్ లబ్దిపొందనున్నట్టు చెప్పారు. 
 
వార్షిక ఇంక్రిమెంట్ కింద తమ జూనియర్, మిడిల్ స్థాయి ఉద్యోగులకు 7 శాతం నుంచి 15 శాతం వేతనాలను పెంచనున్నట్టు జియో గతేడాది చివర్లోనే ప్రకటించింది. పెరిగిన వేతనాలు ఏప్రిల్-మే నుంచి ఉద్యోగులకు అందుతాయని తెలిపింది. కానీ ఆ పెంపు కొన్ని రోజులుగా వాయిదా పడుతూ వచ్చింది. ప్రస్తుతం ఈ వేతనాలను రిలయన్స్ జియో పెంచినట్టు తెలుస్తోంది. రిలయన్స్ జియో ఉద్యోగులు అందుకుంటున్న వార్షిక ఇంక్రిమెంట్స్  ఇతర టెలికాం కంపెనీల కంటే చాలా బాగున్నాయని ఓ ప్రముఖ హెచ్ ఆర్ కన్సల్టెన్సీ చెప్పింది. గతనెలలోనే రిలయన్స్ జియో సంచలనం సృష్టిస్తూ 4జీ సేవలను లాంచ్ చేసింది. కానీ ఆ సర్వీసులు ఆవిష్కరించిన కొన్ని రోజులకే ఉన్నత స్థాయి ఉద్యోగులు కొంతమంది కంపెనీకి రాజీనామా చేశారు.  కానీ వారి రాజీనామాలకు సరియైన కారణాలు తెలియరాలేదు.








sakshi.com

వెంకయ్య భజనలో అసలు విషయం వదిలేశారు

ఏపీలో బీజేపీ నాయకులు పార్టీ జాతీయ అధ్యక్షుడినే మర్చిపోతున్నారా? ప్రధానికి సముచిత స్థానం ఇవ్వాలన్న విషయం కూడా విస్మరిస్తున్నారా? తాజాగా తెనాలిలో కేంద్రమంత్రి వెంకయ్యనాయుడుకు జరిగిన సన్మానసభ - దానికోసం పార్టీ నేతలు ఏర్పాటుచేసిన ఫ్లెక్సీలు - ఆహ్వానపత్రాలు పరిశీలిస్తే ఇది నిజమేననిపిస్తోంది. పార్టీ అధ్యక్షుడి ఫొటో లేకుండానే సన్మానం జరిగిన తీరుపై అటు బీజేపీ సీనియర్లు కూడా అసంతృప్తితో ఉన్నారు.

రాష్ట్ర అభివృద్ధికి ప్యాకేజీ సాధించడంలో కీలకపాత్ర పోషించి - రాష్ట్రానికి నిధుల విడుదలలో చొరవ చూపిస్తున్న కేంద్రమంత్రి ముప్పవరపు వెంకయ్యనాయుడుకు గుంటూరు జిల్లా తెనాలిలో ఆ జిల్లా నేతలు భారీ సన్మానం చేశారు. ఆయనను స్వాగతిస్తూ ఫ్లెక్సీలు - ఆహ్వానపత్రాలు ఏర్పాటుచేశారు. వెంకయ్యను సన్మానించిన వేదికపై తెదేపా అధ్యక్షుడు - ఏపి సీఎం చంద్రబాబునాయుడు - మంత్రి పత్తిపాటి పుల్లారావు - తెనాలి తెదేపా ఎమ్మెల్యే ఆలపాటి రాజా ఫొటో వేసిన టీడీపీ జిల్లా నాయకులు - తమ పార్టీ జాతీయ అధ్యక్షుడు అమిత్షా ఫొటో వేయడం మాత్రం విస్మరించారు. వేదికమీద తెదేపాకు చెందిన మంత్రి పుల్లారావు - ఎమ్మెల్యే రాజాకు సముచిత స్థానం కల్పించిన తమ జిల్లా నాయకత్వం జాతీయ అధ్యక్షుడు అమిత్ షా ఫొటో వేయకపోగా - ప్రధాని మోడీ ఫొటో సైజును చిన్నదిగా వేయడంపై పార్టీ సీనియర్లు అసంతృప్తి వ్యక్తం చేస్తున్నారు. మిగిలిన కొన్ని ఫ్లెక్సీలలో అసలు మోడీ-అమిత్ షా లేకపోగా - ఒక ఫ్లెక్సీలో జిల్లా - రాష్ట్ర స్థాయి నేతలతో సమానంగా ప్రధాని మోడీ ఫొటో ఉంచడంపై పార్టీ సీనియర్లు ఆగ్రహం వ్యక్తం చేస్తున్నారు. ఇలాంటి విషయాల్లో వెంకయ్యనాయుడు సంబంధం లేనట్లుగా వ్యవహరించడం సరికాదని మండిపడుతున్నారు. వెంకయ్యను మెప్పించేందుకు కొందరు నాయకులు అత్యుత్సాహం ప్రదర్శిస్తే ఆయన దాన్ని అలాగే వదిలేయడం ఏమిటని ప్రశ్నిస్తున్నారు.








tupaki.com

జక్కన్న సినిమాను తీసుకెళ్లిన విధానం..

అందమైన కల.. దానికి తగ్గ భారీతనం... వాటితో సమానంగా నలుగురికి తన కల చూపించాలన్న తపన.. ఇవే వెండితెరపై రాజమౌళిని స్టార్ దర్శకుడిగా మార్చాయి. మగధీరతో వేసిన బీజం బాహుబలి నాటికి మహావృక్షమయ్యింది. రాజమౌళినుండి తక్కినవారంతా టేకింగ్ విషయంలో పాఠాలు నేర్చుకున్నా లేకపోయినా సినిమాను ప్రజలకు పరిచయం చేసే విధానాన్ని మాత్రం నేర్చుకుని తీరాలి.

మిర్చి మినహా పెద్దగా హిట్లు లేని ప్రభాస్ ప్రతినాయక పాత్ర అప్పటివరకూ పోషించని రానా పెద్దగా పరిచయం లేని సత్యరాజ్ డీ గ్లామర్ పాత్రలో అనుష్క.. ఇన్ని స్టేట్మెంట్స్ ని దాటుకుంటూ బాహుబలి సినిమాని విడుదలకు ముందే ప్రేక్షకులకు పరిచయం చేసిన విధానం తన టాలెంట్ ఇక్కడితో ఆగిపోకూడదని యావత్ దేశానికి గట్టిగా మాట్లాడితే ప్రపంచానికి పరిచయం చేసిన వైనం అసమానం.

హిందీలో పెద్ద నిర్మాణ సంస్థతో ఒప్పందాలు విదేశాలలో ఏ ఉత్సవంలో తమ సినిమా ప్రచారమైనా పనిగట్టుకుని అక్కడికెళ్లి స్పందన తెలుసుకునే నిర్మాతల బృందం ఇవన్నీ బాహుబలికి ప్లస్సే. అందుకే సిరీస్ లతో ఆగకుండా బాహుబలి కామికాన్ అని మార్చేండైజ్ అని యానిమేషన్ సిరీస్ అని వర్చ్యువల్ రియాలిటీ అని లార్జర్ దాన్ లైఫ్ గా మార్చగలిగారు. చివరికి బాహుబలి విగ్రహం ప్రతిష్టాత్మక టుస్సాడ్స్ మ్యూజియం లో ప్రతిష్టించనున్నారు. నిజంగా జక్కన్న ఈ సినిమాను ప్రమోట్ చేసిన విధానాన్ని డాక్యుమెంటరీ చేస్తే ఒక బి స్కూల్ మేనేజ్మెంట్ విద్యార్థులకు మంచి మార్కెటింగ్ పాఠం అవుతుందనడంలో సందేహం లేదు





tupaki.com

అసెంబ్లీ సీట్లు పెరుగుతాయ్‌!

విభజన చట్టంలో పేర్కొన్న మాదిరిగా రెండు తెలుగు రాష్ట్రాల్లో అసెంబ్లీ నియోజకవర్గాల పునర్‌ వ్యవస్థీకరణ జరుగుతుందని ఏపీ సీఎం, టీడీపీ అధినేత చంద్రబాబు నాయుడు పేర్కొన్నట్లు సమాచారం. సోమవారం లేక్‌వ్యూ అతిథి గృహంలో టీటీడీపీ నేతలతో సమావేశం సందర్భంగా ఆయన ఈ విషయం చెప్పారు. ‘రాజ్యాంగ సవరణ అవసరం లేకుండానే రెండు రాష్ట్రాల్లో అసెంబ్లీ సీట్లు పెంచవచ్చని కేంద్రం తెలిపింది. లోక్‌సభ సీట్లు యథాతథంగా ఉంటాయి. అసెంబ్లీ సీట్లు పెరుగుతాయి. ఒకో లోక్‌సభ స్థానంలో తొమ్మిది అసెంబ్లీ స్థానాలు ఉంటాయి. డీ లిమిటేషన్‌ ఖాయం’ అని ఆయన వివరించారు. తెలంగాణ రాష్ట్రంలో పెరుగుతున్న జిల్లాలు ఈడీ లిమిటేషన్‌పై ప్రభావం చూపుతాయా అన్నది చర్చకు వచ్చింది. ఎస్సీ రిజర్వుడు సీట్లను జిల్లా యూనిట్‌గా చేయాల్సి ఉంటుందని, కొత్తజిల్లాలు వస్తున్నప్పుడు వాటిని ఎలా పరిగణలోకి తీసుకొంటారని కొందరు నాయకులు అడిగారు. ‘పాలన అవసరాలకోసం జిల్లాల ఏర్పాటు జరుగుతుంది. అదొక్కటే ప్రాతిపదిక కాదు. ఎన్నికల కమిషన్‌ వద్ద మొత్తం సమాచారం ఉంటుంది.

ఈసీ నిర్ణయమే ఫైనల్‌. అందులో రాష్ట్ర ప్రభుత్వం పాత్ర ఏమీ ఉండదు’ అని ఆయన వారికి చెప్పారు. ప్రజల ఆకాంక్షలను ప్రభుత్వం దృష్టికి తీసుకువెళ్ళడానికి.. అవసరమైన చోట ఒత్తిడి పెంచడానికి ప్రతిపక్షంగా పనిచేయాలని, కొత్త జిల్లా కమిటీలు ఏర్పాటు చేసుకోవాలని సూచించారు. ‘మీరు ఏ టెక్నాలజీ ఉపయోగించినా.. జనంలోకి వెళ్ళి పనిచేయకుంటే ఫలితం ఉండదు. నిత్యం ప్రజల్లో ఉండాలి. వారి సమస్యలను అందిపుచ్చుకొని పనిచేయాలి. వారికోసం మీరు చిత్తశుద్ధితో పనిచేస్తున్నారని ప్రజలకు విశ్వాసం కలగాలి. అదే సమయంలో పార్టీ నేతల మధ్య ఐకమత్యం అవసరం. ప్రతిదానికి నా కోసం ఎదురు చూడవద్దు. మీ కాళ్ళపై మీరు నిలబడి పనిచేయండి. మీ సామర్ధ్యంపైనే మీరు ప్రజల్లో నమ్మకం కలిగించాలి’ అని ఆయన సూటిగా చెప్పేశారు. ఇటీవల చేపట్టిన కార్యక్రమాల గురించి వారు వివరించినప్పుడు ఆయన అభినందించారు. దసరా తర్వాత పార్టీ రాష్ట్ర కార్యాలయంలో శిక్షణ తరగతులు నిర్వహించుకొంటామని వారు చేసిన ప్రతిపాదనకు ఆయన ఆమోదం తెలిపారు. రాష్ట్రంలో కొత్తగా ఏర్పాటుచేయనున్న జిల్లాల్లో టీడీపీ కొత్త నాయకత్వాన్ని ఏర్పాటు చేస్తుందని పార్టీ నేత రావుల చంద్రశేఖర్‌రెడ్డి వెల్లడించారు.




andhrajyothy.com

భర్తను విలన్‌గా మార్చుకున్న సిమ్రాన్?

ఒకప్పుడు స్టార్ హీరోయిన్ రేంజ్‌ను ఎంజాయ్ చేసిన ఆ అందాల భామ... ఇప్పుడు తన భర్తను విలన్‌గా మార్చేసిందట. ఇందుకోసం అమ్మడు బాగానే కష్టపడిందంటున్నాయి కోలీవుడ్ వర్గాలు.....

ఒకప్పుడు స్టార్ హీరోలతో రొమాన్స్ చేసిన సిమ్రాన్... ఇప్పుడు ఫ్యామిలీ లైఫ్‌ను ఎంజాయ్ చేస్తోంది. ఆ మధ్య కొత్తవాళ్లతో సినిమాలు రూపొందిస్తానని ప్రకటించిన ఈ వెటరన్ బ్యూటీ... తక్కువ బడ్జెట్ సినిమాలను ప్లాన్ చేస్తోందని సమాచారం. ఇదంతా ఎలా ఉన్నా ప్రస్తుతం ఖాళీగా ఉన్న తన భర్తను నటుడిగా మార్చేందుకు సిమ్రాన్ ప్రయత్నాలు చేస్తోందని కోలీవుడ్ వర్గాల్లో గుసగుసలు మొదలయ్యాయి.

గతంలో ఎయిర్ లైన్స్‌లో ఉద్యోగం చేసిన సిమ్రాన్ భర్త దీపక్ బగ్గా... కొంతకాలంగా సిమ్రాన్‌తో కలిసి మూవీ ప్రొడక్షన్ బాధ్యతలు చూసుకుంటున్నాడు. కొద్ది రోజుల క్రితం సిమ్రాన్‌ను కలిసిన కొందరు దర్శకనిర్మాతలు... మీ భర్తకు యాక్టర్ అయ్యే లక్షణాలు ఎక్కువగా ఉన్నాయని, సినిమాల్లో ట్రై చేయొచ్చని సలహా ఇచ్చారట. దీంతో అప్పటి నుంచి భర్తను నటుడిగా మార్చేందుకు ప్రయత్నాలు మొదలుపెట్టిన సిమ్రాన్ ఫైనల్‌గా దీపక్‌ను విలన్‌గా మార్చేసింది.

కోలీవుడ్‌లో తెరకెక్కుతున్న 'ఓడు రాజా ఓడు' సినిమాలో విలన్ రోల్ కోసం సిమ్రాన్ భర్తను ఎంపిక చేశారట దర్శకనిర్మాతలు. ఒకవేళ ఈ సినిమాతో దీపక్ బగ్గాకు బ్రేక్ వస్తే... అతడికి తన పలుకుబడితో మరిన్ని అవకాశాలు ఇప్పించాలని చూస్తోందట ఈ వెటరన్ బ్యూటీ. మొత్తానికి పైలెట్‌ను పెళ్లి చేసుకున్న ఒకప్పటి అందాల భామ అతడిని విలన్‌గా మార్చేందుకు బాగానే కష్టపడుతున్నట్టు కనిపిస్తోంది. మరి ఆమె ప్రయత్నాలు ఏ మేరకు ఫలిస్తాయో తెలియాలంటే 'ఓడు రాజా ఓడు' సినిమా రిలీజయ్యేంత వరకు వెయిట్ చేయాల్సిందే.






andhrajyothy.com

బాలయ్యతో చిరు ఢీ!

మెగాస్టార్‌ చిరంజీవి, నందమూరి బాలకృష్ణ రియల్‌ లైఫ్‌లో మంచి స్నేహితులే అయినా.. రీల్‌ లైఫ్‌లోనూ, పొలిటికల్‌ లైఫ్‌లోనూ మాత్రం ప్రత్యర్థులే. కొంతకాలంగా రాజకీయాల్లో సైలెంట్‌ అయిన చిరంజీవి తన 150వ సినిమా పనిలో బిజీగా ఉండగా, బాలయ్య తన వందో సినిమా షూటింగ్‌లో ఉన్నారు. ఈ ఇద్దరు దిగ్గజాలు వచ్చే సంక్రాంతి బరిలో దిగనున్నారు. చిరంజీవి ‘ఖైదీ నెంబర్‌ 150’, బాలయ్య ‘గౌతమిపుత్ర శాతకర్ణి’ సినిమాలు సంక్రాంతి కానుకగా జనవరి 12న విడుదల కానున్నాయి.

‘‘ఖైదీ నెంబర్‌ 150’ చిత్రం షూటింగ్‌ దాదాపు 70 శాతం పూర్తయింది. నాన్నగారు డబ్బింగ్‌ కూడా చెప్పేశారు. ఇప్పటివరకు మంచి ఔట్‌పుట్‌ వచ్చింది. అన్ని పనులూ పూర్తి చేసి సంక్రాంతి కానుకగా జనవరిలో విడుదల చేస్తున్నామ’ని నిర్మాత రామ్‌చరణ్‌ ప్రకటించాడు. కాజల్‌ హీరోయిన్‌గా నటిస్తున్న ఈ చిత్రానికి వినాయక్‌ దర్శకత్వం వహిస్తుండగా, దేవీ శ్రీ ప్రసాద్‌ స్వరాలందిస్తున్నారు.

ఇక, తాము సంక్రాంతి బరిలో నిలుస్తున్నట్టు ‘గౌతమిపుత్ర..’ యూనిట్‌ ఇదివరకే ప్రకటించింది. ఇప్పటికే నైజాం, సీడెడ్‌ అమ్మకాలు కూడా పూర్తయినట్టు వార్తలు వచ్చేశాయి. ఏదేమైనా చిరు, బాలయ్యల చిత్రాలు ఒకేసారి సంక్రాంతి బరిలో పోటీపడి చాలాకాలమైంది.






andhrajyothy.com

ఆమె కన్నీరు పెట్టుకుంది

కోడి రామకృష్ణ దర్శకత్వం వహించిన చిత్రం ‘నాగాభరణం’. రమ్య, దిగంత, సాయికుమార్‌ కీలక పాత్రధారులు. సాజిద్‌ ఖురేషి, ధావల్‌ గడ, సోహైల్‌ అన్సారీ నిర్మాతలు. గురుకిరణ్‌ సంగీతం అందించారు. ఇటీవల ఈ చిత్రం పాటల్ని హైదరాబాద్‌లో విడుదల చేశారు. ఎన.శంకర్‌ ఆడియో సీడీలను ఆవిష్కరించారు. తొలి సీడీని సాయికుమార్‌ స్వీకరించారు. కోడి రామకృష్ణ మాట్లాడుతూ ‘‘సినిమా తియ్యాలంటే సృజనాత్మకత ఉంటే సరిపోదు. మంచి కథ, తపన గల నిర్మాత కావాలి. పాము నేపథ్యంలో కథ చెప్పగానే సాజిద్‌ వెంటనే అంగీకరించారు. నాకిష్టమైన కన్నడ నటుడు విష్ణువర్థనను గ్రాఫిక్స్‌లో క్రియేట్‌ చేసి ఓ కీలక పాత్రలో కనిపించేలా చేశాం. ఆ సన్నివేశాలు చూసి విష్ణువర్ధన భార్య కన్నీరు పెట్టకున్నారు. ఆయన నటించిన చివరి చిత్రంలో మళ్లీ నటుడిగానే పుడతానని చెప్పారు. దానికి ఈ చిత్రం ట్రైలర్‌ అని చెప్పొచ్చు’’ అని అన్నారు. ‘‘ఈ నెల 14న చిత్రాన్ని విడుదల చేస్తున్నాం’’ అని నిర్మాతలు తెలిపారు.






andhrajyothy.com

కరీనాకు తలనొప్పిగా మారిన కొత్త సమస్య

బాలీవుడ్ టాప్ హీరోయిన్ కరీనా కపూర్ ఖాన్ ఇన్‌కం టాక్స్ అకౌంట్‌ను ఎవరో తనకు తెలియకుండా హాక్ చేశారని వాపోయింది. టాక్స్ చెల్లింపు కోసం కరీనా చార్టెడ్ అకౌంటెంట్ ప్రయత్నించగా లాగిన్ కాకపోవడంతో సైబర్ పోలీసులకు ఫిర్యాదు చేసిందట ఈ భామ. కరీనా పాన్ కార్డు నంబర్ తెలుసుకున్న హ్యాకర్ దానిని ఉపయోగించి ఆమె అకౌంట్ ను హ్యాక్ చేశాడని పోలీసులు నిర్ధారించారు. హ్యాకింగ్ తర్వాత ఈ-ఫైలింగ్ పాస్ వర్డ్ ను కూడా హ్యాకర్ మార్చినట్లు తెలిసింది.

సినిమా రేంజ్‌లో రూ.1.18 కోట్లు కొట్టేశాడు

అంబత్తూర్‌ నియోజకవర్గ పరిధిలోని వేలంప్పన్‌చావిడి ఏటీఎంకు తరలిస్తున్న రూ.1.18 కోట్లతో పరారైన వ్యాన్ డ్రైవర్‌ కోసం పోలీసులు తీవ్రంగా గాలిస్తున్నారు. వేలప్పన్‌చావిడిలో ఓ బ్యాంకుకు సంబంధించిన ఏటీఎంకు రూ.1.18 కోట్ల నగదును తరలిస్తున్న వ్యాన్‌ను ఇసైకిముత్తు నడుపుతున్నాడు. వ్యాన్‌లో సెక్యూరిటీగా జోయల్‌ కూడా ఉన్నారు. ఆ వ్యాన్ అంబత్తూర్‌ సమీపంలోని పులియంపట్టి ప్రాంతానికి చేరుకున్న సమయంలో టీ తాగేందుకు ఇసైకిముత్తు నిలిపిన సమయంలో సెక్యూరిటీగా ఉన్న జోయల్‌ టాయ్‌లెట్‌కు వెళ్లాడు. ఇదే అదనుగా భావించిన ఇసైకిముత్తు నగదు ఉన్న వ్యానం‌తో సహా ఉడాయించాడు. దీనిపై జోయల్‌ అందించిన ఫిర్యాదును నమోదుచేసుకున్న అంబత్తూర్‌ ఏఎస్పీ సుధాకర్‌ ఐదు ప్రత్యేక బృందాలను ఏర్పాటుచేసి గాలింపు చర్యలను చేపట్టారు.





andhrajyothy.com

30 జిల్లాలు అనవసరం: జైపాల్‌రెడ్డి

కొత్త జిల్లాలకు కాంగ్రెస్ పార్టీ వ్యతిరేకం కాదని... అరుుతే ప్రస్తుతం 30 జిల్లాలు అవసరం లేదని కేంద్ర మాజీ మంత్రి జైపాల్‌రెడ్డి అన్నారు. కల్వకుర్తిని రెవెన్యూ డివిజన్ గా చేయాలని డిమాండ్ చేస్తూ కల్వకుర్తి నియోజకవర్గ జేఏసీ ఆధ్వర్యంలో ఎమ్మేల్యే వంశీచంద్‌రెడ్డితోపాటు వివిధ పార్టీల నాయకులు సోమవారం ఇందిరాపార్కు వద్ద నిరాహార దీక్ష చేశారు. దీక్షలకు మద్దతు ప్రకటించిన జైపాల్‌రెడ్డి మాట్లాడుతూ.. శాస్త్రీయంగా, హేతుబద్ధంగా జిల్లాలను చేయాల్సి ఉండగా ముఖ్యమంత్రి కేసీఆర్ ఇష్టారాజ్యంగా చేస్తున్నారని, టీఆర్‌ఎస్‌కు జిల్లాల ఏర్పాటు అంటే విలువ లేకుండా పోరుుందని విమర్శించారు.

కల్వకుర్తి నిజాం హయాంలోనే తాలూకాగా ఉందని, అది తెలియని కేసీఆర్‌కు తెలంగాణ గురించి ఏం తెలుసని అన్నారు. కల్వకుర్తిని రెవిన్యూ డివిజన్  చేయాలని డిమాండ్ చేశారు. ప్రజాభిప్రాయం మేరకు జిల్లాల పునర్విభజన చేయాల్సి ఉండగా కేసీఆర్ ఇష్టారాజ్యంగా వ్యవహరిస్తున్నారని కాంగ్రెస్ శాసన సభా పక్ష నేత జానారెడ్డి అన్నారు. కల్వకుర్తి రెవెన్యూ డివిజన్ ఏర్పాటుకు 40 రోజులుగా పార్టీలకతీతంగా ఆందోళనలు చేస్తున్నా ప్రభుత్వం స్పందించకపోవడం శోచనీయమని వైఎస్సార్‌సీపీ నాయకులు  శివకుమార్ పేర్కొన్నారు. కల్వకుర్తి డివిజన్  చేయాలనే డిమాండ్‌కు వైఎస్సార్‌సీపీ పూర్తి మద్దతు ఇస్తుందన్నారు.

తెలంగాణ ఉద్యమం నాటి పరిస్థితులే తెలంగాణ వచ్చిన తర్వాత కూడా కొనసాగుతున్నాయని, ధర్నాలు, నిరసనలు, నిరాహార దీక్షలు నిత్యకృత్యంలా మారాయని టీటీడీపీ వర్కింగ్ కమిటీ ప్రెసిడెంట్ రేవంత్‌రెడ్డి విమర్శించారు. ప్రభుత్వం తెలంగాణ ప్రజల ఆకాంక్షల మేరకు పని చేయడం లేదన్నారు. నియోజకవర్గాల విభజన తర్వాతే జిల్లాల విభజన చేస్తామని అసెంబ్లీ సాక్షిగా ప్రకటించి.. ఇప్పుడు హడావిడిగా జిల్లాల విభజన ఎందుకు చేస్తున్నారని ఎమ్మెల్యే వంశీచంద్‌రెడ్డి పశ్నించారు. మాట తప్పినందుకు కేసీఆర్ ప్రజలకు క్షమాపణ చెప్పాలని అన్నారు. కల్వకుర్తి రెవెన్యూ డివిజన్  కోసం ఇక నుంచి జరిగేది ఉద్యమం కాదని.. ప్రజా యుద్ధమేనని అన్నారు. ఎంపీ నంది ఎల్లయ్య, బీజేపీ ఎమ్మెల్సీ రాంచందర్‌రావు, మాజీ ఎమ్మెల్యే ఎడ్మ కిష్టారెడ్డి తదితరులు పాల్గొన్నారు.






sakshi.com

టీఆర్‌ఎస్ వైఫల్యాలను ఎండగట్టండి

టీఆర్‌ఎస్ రెండున్నరేళ్ల పాలనలోని వైఫల్యాలను ఎండగట్టాలని తెలంగాణ టీడీపీ నేతలకు ఆ పార్టీ అధ్యక్షుడు, ఏపీ సీఎం చంద్రబాబునాయుడు దిశానిర్దేశం చేశారు. ఎన్నికలకు ముందు, అధికారంలోకి వచ్చాక టీఆర్‌ఎస్ ఇచ్చిన హామీల అమలుకు వివిధ రూపాల్లో ఆందోళన లకు సిద్ధం కావాలని సూచించారు. ప్రస్తుతం రాష్ట్రంలో మారిన రాజకీయ పరిస్థితుల నేపథ్యంలో జిల్లాల్లో పార్టీ నాయకులంతా సరైన పద్ధతిలో స్పందించాలని... ప్రభుత్వ వ్యతిరేకతను టీడీపీకి అనుకూలంగా మలిచేలా కార్యక్రమాలను రూపొందించాలని ఆదేశించారు. రాష్ర్టంలో కొత్త జిల్లాలు ఏర్పాటవుతున్న నేపథ్యంలో పార్టీ కమిటీలను పునర్‌వ్యవస్థీకరించాలన్నారు.

జిల్లా స్థాయిలో పార్టీ పటిష్టతకు చర్యలు తీసుకోవాలని, వచ్చేనెల 1 నుంచి రాష్ట్రంలో పెద్ద ఎత్తున సభ్యత్వ నమోదును చేపట్టాలని ఆదేశించారు. సోమవారం హైదరాబాద్‌లోని లేక్‌వ్యూ అతిథిగృహంలో పార్టీ నేతలు ఎల్.రమణ, రేవంత్‌రెడ్డి, మోత్కుపల్లి నర్సింహులు, రావుల చంద్రశేఖర్‌రెడ్డి, నామా నాగేశ్వరరావు, అరవింద్‌కుమార్‌గౌడ్, ఉమా మాధవరెడ్డి, అన్నపూర్ణమ్మ, అమర్‌నాథ్‌బాబులతో చంద్రబాబు సమావేశమయ్యారు. రాష్ట్రంలో భారీ వర్షాలు, వరదల కారణంగా వాటిల్లిన నష్టం, సహాయ చర్యల్లో ప్రభుత్వ వైఫల్యం తదితర అంశాలు ఈ సందర్భంగా చర్చకు వచ్చాయి.

రైతాంగానికి వాటిల్లిన నష్టంపై ప్రభుత్వాన్ని నిలదీసి, తగిన పరిహారం వచ్చేలా పార్టీ కార్యక్రమాలను నిర్వహించాలని నేతలకు చంద్రబాబు సూచించారు. టీడీపీ హయాంలో చేపట్టిన అభివృద్ధి, హైదరాబాద్‌లో చేపట్టిన సహాయ కార్యక్రమాలు తదితర అంశాలను ప్రజల్లోకి తీసుకెళ్లాలని పేర్కొన్నట్లు తెలిసింది. దసరా తర్వాత నియోజకవర్గానికి 50 మంది చొప్పున రాష్ట్రవ్యాప్తంగా పార్టీ మండల సమన్వయ కమిటీ సభ్యులకు శిక్షణా తరగతులు నిర్వహించే అంశం చర్చకు వచ్చింది. ఎన్నిరోజుల పాటు ఈ తరగతులు నిర్వహించాలి, ఏయే అంశాలను చేర్చాలి, వేటిపై శిక్షణ ఇవ్వాలన్న దానిపై మంగళవారం సమావేశమై ఒక బ్లూప్రింట్ సిద్ధం చేసుకుంటామని చంద్రబాబుకు నేతలు తెలిపారు.





sakshi.com

పునర్నిర్మాణం దిశగా టీజేఏసీ

తెలంగాణ జేఏసీ పునర్నిర్మాణంపై దృష్టిని కేంద్రీకరించింది. తన విధానాలు, ఆలోచనలు, కార్యాచరణను క్షేత్రస్థాయి వరకు చేర్చడానికి వివిధ మీడియాలను ఉపయోగించుకోవాలని నిర్ణయించింది. తెలంగాణ పునర్నిర్మాణంలో జేఏసీ నిర్వహిస్తున్న పాత్రను క్షేత్రస్థాయిలో ప్రచారం చేసుకుంటూనే గ్రామస్థాయి దాకా విస్తరించాలని నిర్ణయించింది. దీనికోసం ముందుగా వివిధ సంఘాలను జేఏసీలో భాగం చేసుకోవాలని నిర్ణయించినట్లు తెలిసింది. జేఏసీలో భాగం కావాలనే యోచనతో ఉన్న ఉద్యోగ, కార్మిక, సామాజిక, ప్రాంతీయ, న్యాయవాద, జర్నలిస్టు, సాంస్కృతిక సంఘాలను ఇప్పటికే గుర్తించింది. అన్ని సంఘాలు చేరిన తర్వాత రాష్ట్రస్థాయిలో స్టీరింగ్ కమిటీని ఏర్పాటుచేయనున్నారు. ఈ స్టీరింగ్ కమిటీ నేతృత్వంలోనే జిల్లా కమిటీలు, నియోజకవర్గ, మండల కమిటీల నిర్మాణానికి చర్యలు చేపట్టనున్నారు. రాష్ట్రస్థాయిలో రైతు పోరాటాలు, యువతకు ఉపాధి అవకాశాలపై దృష్టిని కేంద్రీకరించి పలు కార్యక్రమాలను చేపట్టనుంది.

 ప్రత్యేక బులెటిన్... సోషల్ మీడియా
 ప్రత్యేక బులెటిన్, ఫేస్‌బుక్, వాట్సప్, వెబ్‌సైట్‌ల ద్వారా తన కార్యాచరణను క్షేత్రస్థాయిలోకి తీసుపోవాలని టీజేఏసీ నిర్ణయించింది. నెలకోసారి ఒక ప్రత్యేక బులెటిన్‌ను సంఘాలకు అందించే విధంగా ఏర్పాట్లు చేసుకుంటున్నది. తెలంగాణరాష్ట్రంలోని సమస్యలు, టీఆర్‌ఎస్ ప్రభుత్వం అనుసరిస్తున్న విధానాలు, వాటికి టీజేఏసీ చూపించే ప్రత్యామ్నాయాలు వంటివాటిపై వీటిలో విశ్లేషణలు ఉంటాయి. ఆయా రంగాల్లో నిపుణులైన వారి విశ్లేషణలను బులెటిన్‌ల ద్వారా, వెబ్‌సైట్ల ద్వారా అందరికీ అందుబాటులోకి తీసుకురానున్నారు. వీటిని ఫేస్‌బుక్, వాట్సప్ ద్వారా ప్రచారం చేయనున్నారు. దీనికోసం ప్రత్యేకంగా ఒక కమిటీని కూడా ఏర్పాటు చేయాలని జేఏసీ నిర్ణయించి నట్లు తెలిసింది.



sakshi.com

కొత్త జిల్లాలపై సీఎం చర్చలు

కొత్త జిల్లాల కూర్పు దాదాపు పూర్తయ్యింది. జిల్లాల ఏర్పాటుపై మంత్రులు, ఎమ్మెల్యేలు, ప్రజా ప్రతినిధులు, జిల్లా పార్టీ అధ్యక్షుల చర్చించి జిల్లాల ఏర్పాటును ఖరారు చేయాలని ముఖ్యమంత్రి కల్వ కుంట్ల చంద్రశేఖర్‌రావు నిర్ణయించారు. కొత్త జిల్లాలు, రెవెన్యూ డివిజన్లు, మండలాల ఏర్పాటుపై కొన్ని జిల్లాలలో టీఆర్‌ఎస్‌ నేతలు, ఎమ్మెల్యేలు తీవ్ర అభ్యంతరం వ్యక్తం చేస్తున్నారు. ముఖ్యంగా గద్వాల్‌, సిరిసిల్ల, జనగాం జిల్లాలను ఏర్పాటు చేయాలని అక్కడి టీఆర్‌ఎస్‌ నేతలు, ప్రజాప్రతినిధులు ప్రజలు చేస్తున్న ఆందోళనల్లో పాల్గొంటున్నారు. అదే విధంగా కొన్ని రెవెన్యూ డివిజన్లు ఏర్పాటుతో పాటు మండలాల ఏర్పాటు, జిల్లాలో మండలాల విలీనం, మండలాలలో గ్రామాల విలీనంపై ప్రజలు చేస్తున్న ఆందోళనలో అక్కడి పరిస్థితులతో అధికార పార్టీ నేతలు సైతం ఆందోళనలలో పాల్గొం టున్నారు. అయితే కొత్త జిల్లాలు, రెవెన్యూ డివిజన్లు, మండలాల ఏర్పాటుతో పాటు జిల్లాలు, రెవెన్యూ డివిజన్లు, మండలాలలో గ్రామాల విలీనంపై టీఆర్‌ఎస్‌ నేతలు ఆందోళనల్లో పాల్గొనడం సీఎం ముందునుంచి సీరియస్‌గా పరిగణిస్తున్నారు. 

కొత్త జిల్లాలు, రెవెన్యూ డివిజన్లు, మండలాలు ఏర్పాటుపై త్వరలోనే ప్రకటన విడుదల కానున్న నేపథ్యంలో పార్టీ నేతల అభిప్రాయాలను పరిగణలోకి తీసుకోవాలని సీఎం నిర్ణయించారు. ప్రజాభిప్రాయం మేరకు జిల్లాల ఏర్పాటు జరుగుతున్నదంటూ ముందునుంచి చెబుతున్న సీఎం అక్కడి పార్టీ నేతలకు, ప్రజా ప్రతినిధులకు పూర్తి అవగాహన కల్పించాలని నిర్ణయించారు. ఏ పరిస్థితుల్లో జిల్లాలు ఏర్పాటు చేస్తున్నామో.. కొంతమంది విపక్షాలు రాజకీయంగా లబ్ధిపొందేందుకు కొత్త జిల్లాల ఏర్పాటు కోసం ఆందోళనలు నిర్వహిస్తున్న విషయాన్ని టీఆర్‌ఎస్‌ శ్రేణులకు ముఖ్యమంత్రి వివరించనున్నట్లు విశ్వసనీయ సమాచారం. ఏదీ ఏమైనా జిల్లాల విభజన, రెవెన్యూ డివిజన్లు, మండలాల ఏర్పాటుతో పాటు గ్రామాల విలీనం, మండలాల విలీనంపై పార్టీ శ్రేణుల అభిప్రాయాన్ని తీసుకొని కొద్దిగా మార్పులు చేర్పులు చేసి, వారిని బుజ్జగించనున్నట్లు సమాచారం. 

దీంతోనే కొత్త జిల్లాల ఏర్పాటు అంశంపై టీఆర్‌ఎస్‌ పార్టీ నాయకులతో చర్చించాలని ముఖ్యమంత్రి కె.చంద్రశేఖర్‌రావు నిర్ణయించారు. ప్రజాభిప్రాయానికి అనుగుణంగానే కొత్త జిల్లాలు, డివిజన్లు, మండలాల ఏర్పాటు జరగాలని సీఎం భావిస్తున్నారు. ఇందులో భాగంగానే క్షేత్రస్థాయిలోని నాయకులు, ప్రజాప్రతినిధుల అభిప్రాయాలను తీసుకోవాలని నిశ్చయించారు. ఆదివారం ఉదయం 11.30 గంటలకు మెదక్‌, నిజామాబాద్‌, రంగారెడ్డి, మహబూబ్‌నగర్‌, నల్గొండ జిల్లాల నాయకులతో, సోమవారం ఉదయం నుంచి హైదరాబాద్‌, వరంగల్‌, అదిలాబాద్‌, ఖమ్మం, కరీంనగర్‌ నాయకులతో ముఖ్యమంత్రి చర్చలు జరుపుతారు. హైదరాబాద్‌లోని సీఎం క్యాంపు కార్యాలయంలో జరిగే ఈ సమావేశానికి హాజరు కావాలని ఆయా జిల్లాలకు చెందిన మంత్రులు, ఎంపీలు, ఎమ్మెల్యేలు, ఎమ్మెల్సీలు, జడ్పీ చైర్‌పర్సన్లు, డీసీఎంఎస్‌ చైర్మన్లు, డీసీసీబీ చైర్మన్లు, జిల్లా పార్టీ అధ్యక్షులను కోరారు. 

ఆదివారంనాడు సమీక్షించనున్న జిల్లాలుః
మహబూబ్‌నగర్‌ఉదయం 11.00గంటలకు, నల్గొండ మధ్యాహ్నం 12.00గంటలకు, రంగారెడ్డిమధ్యాహ్నం 1.00 గంటకు, నిజామాబాద్‌మధ్యాహ్నం 3.00 గంటలకు, మెదక్‌సాయంత్రం 4.00 గంటలకు, 

సోమవారం : కరీంనగర్‌ఉదయం 11.00 గంటలకు, వరంగల్‌మధ్యాహ్నం 12.00 గంటలకు, అదిలాబాద్‌మధ్యాహ్నం 1.00 గంటకు, ఖమ్మంమధ్యాహ్నం 3.00 గంటలకు హదరాబాద్‌సాయంత్రం 4.00 గంటలకు




suryaa.com

బ్రేకప్‌ తరువాత హ్యాపీ బర్తడే చెప్పింది.

బాలీవుడ్‌ హీరో రణబీర్‌ కపూర్‌ బుధవారం తన 34వ పుట్టినరోజు జరుపు కున్నాడు. అతనికి మాజీ గాళ్‌ఫ్రెండ్‌ కట్రీనా కైఫ్‌ వెరీ హ్యాపీ బర్‌‌తడే చెప్పింది. ఎక్కడనుకున్నారు? వాళ్లిద్దరూ కలిసి నటిస్తున్న జగ్గా జాసూస్‌ సినిమా సెట్‌‌సపై. ఆ రోజు షూటింగ్‌కు ప్యాకప్‌ చెప్పాక అక్కడే రణబీర్‌ బర్‌‌తడే పార్టీ జరగగా, దానికి మాత్రం డుమ్మా కొట్టేసింది కట్రీనా. పార్టీలో ఉన్నవాళ్లందరూ ఆమె వస్తుందని ఎదురుచూశారు కానీ ఆమె మాత్రం ఆగకుండా నేరుగా ఇంటికెళ్లిపోయింది. సన్ని హిత వర్గాల సమాచారం ప్రకారం రణబీర్‌ బర్‌‌తడే పార్టీ మొదలైతే, తను ఇరకాటంలో పడుతుందని భావించిన కట్రీనా షూటింగ్‌ పూర్తయిన వెంటనే ఆగకుండా వెళ్లిపోయింది. వెళ్లే ముందు రణబీర్‌కు శుభాకాంక్షలు చెప్పింది. కొంతకాలం క్రితం తమ అనుబంధానికి బ్రేకప్‌ చెప్పిన ఆ జంట సినిమాల విషయంలో ప్రొఫెషనల్‌‌సగానే వ్యవహరిస్తూ జగ్గా జాసూస్‌ కలిసి చేస్తున్నారు.

రిమేక్‌ చిత్రంలో రవితేజ

తమిళంలో ఈ మధ్య వచ్చిన రొటీన్‌ మాస్‌ సినిమాల్లో ''వేదాళం'' చాలా పెద్ద హిట్‌. ఈ సినిమాలో అజిత్‌ యాక్టింగ్‌ కూడా అదిరిపోతుంది. అటూ ఇటూ చూస్తే కాస్త 'ఊసరవెల్లి' సినిమానే అటు తిప్పి ఇటు తిప్పి తీసినట్లు ఉండే ఈ సినిమాను తెలుగులో కూడా రీమేక్‌ చేయాలని ఆ సినిమా ప్రొడ్యసర్‌ ఏ.ఎం.రత్నం ఎప్పటినుండో చూస్తున్నాడు. అయితే మనోడు పవన్‌ కళ్యాణ్‌ డేట్లను పట్టేసి ఈ సినిమాను రీమేక్‌ చేయాలని అనుకుంటుంటే.. అది వర్కవుట్‌ అయ్యేలా కనిపించట్లేదు. అందుకే ఇప్పుడు మరో హీరోతో సినిమా తెలుగు వర్షెన్‌ ను ముందుకు తీసుకెళదాం అని ఫిక్సయ్యాడట. అందుకే ఇప్పుడు మాస్‌ రాజా రవితేజతో ఈ సినిమాను తెలుగులో రీమేక్‌ చేయడానికి సన్నాహాలు జరుగుతున్నట్లు తెలుస్తోంది. అంతే కాదు.. సినిమా తెలుగు వర్షన్‌ ను సంతోష్‌ శ్రీనివాస్‌ (హైపర్‌ - రభస ఫేం)తో డైరక్‌‌ట చేయించాలని కూడా సర్వం సిద్దం చేసినట్లు టాక్‌. చాలా సంవత్సరాల తరువాత ఎట్టకేలకు ఒక హిట్టు కొట్టి అప్పుల బాధ నుండి బయటపడిన మేకప్‌ మ్యాన్‌ ఏ.ఎం.రత్నం.. ఇప్పుడు తెలుగులో కూడా సాలిడ్‌ గా ఒక హిట్‌ కొట్టాలని చూస్తున్నాడు. కాకపోతే పవన్‌ కళ్యాణ్‌ అయితే బాగుంటుందని ఈయన ఆశ. అది వర్కవుటయ్యేలా లేదులే.

పరిశుభ్రతలో ఏపీ చర్యలు భేష్‌

బహిరంగ మల విసర్జన రహిత రాష్ట్రంగా ఆంధ్ర ప్రదేశ్‌ నిలవడం ఆనందంగా ఉందని కేంద్ర మంత్రి వెంకయ్య నాయుడు అన్నారు. స్వచ్ఛభారత్‌పై న్యూఢిల్లీలో జరిగిన కార్యక్రమంలో ఆదివాచం ఆయన రెండు స్టాంపులను ఆవిష్కరించారు. ఈ సందర్భంగా మాట్లాడుతూ స్వచ్ఛభారత్‌పై ఆంధ్రప్రదేశ్‌ తీసుకుంటున్న చర్యలకు ప్రోత్సాహకంగా రూ. 186 కోట్లు విడుదల చేసినట్లు చెప్పారు. స్వచ్ఛభారత్‌లో భాగంగా గుజ రాత్‌లో 170, ఏపీలో 110 మున్సిపాలిటీలు పరిశుభ్రతలో స్ఫూర్తి చూపా యని తెలిపారు. దేశంలో ప్రతి ఒక్కరూ స్వచ్ఛాగ్రహిగా మారాలని ప్రధాని మోదీ పిలుపునిచ్చినట్లు పేర్కొన్నారు. కేంద్రం పిలుపుతో తెలంగాణ రాష్ట్రం కూడా పరిశుభ్రత అమలు చేస్తోందని అభినందించారు. గుజరాత్‌లోని పోరు బందర్‌ జిల్లాను పూర్తిస్థాయి పరిశుభ్రత సాధించిన జిల్లాగా ప్రకటించినట్లు తెలిపారు. పరిశుభ్రత విషయంలో దేశంలోని అన్ని ప్రాంతాలు పోటీ పడాలని వెంకయ్య నాయుడు సూచించారు.

బాలీవుడ్‌ కొత్త జోడీ వీరే!

బాలీవుడ్‌ కొత్త జోడీ వీరే!
రణ్‌బీర్ కపూర్-కత్రినా కైఫ్, సిద్ధార్ధ్ మల్హోత్ర-అలియా భట్‌ల బ్రేకప్ బాలీవుడ్‌ను సర్‌ప్రైజ్ చేసింది. జనాలు ఈ న్యూస్‌ గురించి చర్చించుకునే లోపే కత్రినా సిద్ధార్ధ్‌తో  'బార్ బార్ దేఖో' కోసం జోడీ కట్టింది. ఫలితం సంగతి పక్కనపెడితే..ఈ సినిమాలో కత్రినా గతంలో ఏ సినిమాలోనూ చేయని అంగాంగ ప్రదర్శన చేసింది. ఇక నియాన్ పింక్ కలర్ బికినీలో సిద్ధార్ధ్‌తో రెచ్చిపోయి నటించింది. 'బార్ బార్ దేఖో' కంటెంట్ జనాలకు నచ్చలేదు కాబట్టి వీరి రొమాన్స్‌పై విస్తృత చర్చ జరగలేదు. కానీ ట్రైలర్‌తోనే ఊపేశారు. సిద్ధార్ధ్-కత్రినాల కెమిస్ట్రీ బాగుందని అంతా అంటుండడంతో వీరి స్నేహితులు మ్యాచ్‌ మేకింగ్ ప్రారంభించారని వార్తలొస్తున్నాయి.

బీటౌన్ స్నేహితులు కొందరు సిద్ధార్ధ్-కత్రినాలను కలిపేందుకు యత్నిస్తున్నారని సమాచారం. బ్రేకప్‌ బెంగలో కూరుకుపోయిన వీరిని నిజ జీవితంలో దగ్గర చేయాలనుకుంటున్నారని టాక్. సుదీర్ఘ కాలం కలిసి ఉన్న రణ్‌బీర్‌తో బ్రేకప్ కత్రినాను తీవ్రంగా బాధించింది. ఆ బాధ నుంచి ప్రస్తుతం ఆమె కోలుకుంటోంది. బేదాభిప్రాయాల కారణంగా సిద్ధార్ధ్‌కు అలియా దూరమైంది. ప్రస్తుతం ఖాళీగా ఉన్న వీరి మధ్య మంచి స్నేహం ఉంది. ఆ స్నేహాన్ని మరింత ముందుకు తీసుకెళ్లాలని వారి సన్నిహితులు ప్లాన్ చేస్తున్నారు. శ్రేయోభిలాషులు కోరినట్టే వారు దగ్గరవుతారా? లేదా? అన్నది త్వరలోనే తేలిపోతుంది.






telugu.gulte.com



బాబు ఖాతాలో ఇంకో ప్ర‌త్యేక రికార్డు

బాబు ఖాతాలో ఇంకో ప్ర‌త్యేక రికార్డు
ఏపీ ముఖ్యమంత్రి చంద్రబాబు నాయుడు ఈ మ‌ధ్య కొత్త త‌ర‌హా రికార్డులు సాధిస్తున్నార‌నే చ‌ర్చ జ‌రుగుతోంది. ఇటీవ‌లే పోల‌వ‌రం ప్రాజెక్టును సంద‌ర్శించిన సీఎం చంద్ర‌బాబు ప్రాజెక్టు పనుల ప‌నితీరుపై తీవ్ర అసంతృప్తి వ్య‌క్తం చేసిన సంగ‌తి తెలిసిందే. ఈ నేప‌థ్యంలో పోల‌వ‌రం కోసం ఒక‌రోజు అంటూ ప్ర‌క‌టించేశారు. ఇపుడు అదే రీతిలో ఏపీ రాజ‌ధాని అమ‌రావ‌తి కోసం ఇంకో రోజును చంద్ర‌బాబు ప్ర‌క‌టించేశారు.

అమరావతి నిర్మాణంపై ఉండవల్లిలోని త‌న‌ నివాసంలో మున్సిపల్‌ శాఖ మంత్రి పి నారాయణ, సీఆర్‌డీఏ అధికారులతో సీఎం చంద్రబాబు  సమీక్షించారు. ఈ సందర్భంగా ఆయ‌న‌ మాట్లాడుతూ అమరావతిలో నిర్మాణాలు, రహదారులు అద్భుతంగా ఉన్నాయని ప్రజలు కీర్తించేలా ఉండాలని సూచించారు. దీనికోసం ప్రపంచవ్యాప్తంగా ఉన్న అత్యుత్తమ ఆర్కిటెక్చర్లను గుర్తించి, వారి సహకారంతో ఉత్తమ భవన నిర్మాణాలు చేపట్టాలన్నారు. నిర్మాణంలో విద్యార్థులను భాగస్వామ్యం చేసి వారి ఆలోచనలను కూడా పరిగణలోకి తీసుకోవాలని సూచించారు. నాణ్యత, మౌలిక సౌకర్యాల కల్పనలో రాజీ పడొద్దని స్పష్టం చేశారు.న‌వ్యాంధ్ర రాజధాని అమరావతి ప్రపంచంలోని ఐదు అత్యుత్తమ నగరాల్లో ఒకటిగా ఉండేలా నిర్మాణ పనులు చేపట్టాలని అధికారులకు సూచించారు. అందుకోసం ఇక నుంచి ప్రతి బుధవారం అమరావతిపై సమీక్షిస్తూ పనులు వేగంగా జరిగేలా కషి చేస్తానని ముఖ్యమంత్రి పేర్కొన్నారు. 

రాజధాని నిర్మాణం ద్వారా రాష్ట్ర ఆర్థికాభివద్ధే ప్రభుత్వ లక్ష్యమని, రియల్‌ ఎస్టేట్‌ కాదని చంద్ర‌బాబు తెలిపారు. రాజధాని నిర్మాణంపై జరుగుతున్న దుష్ప్రచారాలను తిప్పికొట్టేందుకు ఎప్పటికప్పుడు చేపడుతున్న పనులు, ప్రగతిని ప్రజలకు వివరించేందుకు సీఆర్‌డీఏ అవసరమైన చర్యలు తీసుకోవాలని ముఖ్యమంత్రి ఆదేశించారు. అమరావతిలో కాలుష్యరహిత రవాణా వ్యవస్థ ఏర్పాటుకు మాస్టర్‌ ప్రణాళికను రూపొందించాలన్నారు. సుందరీకరణకు అత్యంత ప్రాధాన్యతనివ్వాలని, చర్చాకార్యక్రమాల ద్వారా ప్రజలను రాజధాని నిర్మాణంలో భాగస్వాములను చేయాలని బాబు సూచించారు. అనంతరం ఆంధ్రప్రదేశ్‌ సచివాలయంలో సమావేశ మందిరం, ముఖ్యమంత్రి కార్యాలయంలో ఏర్పాటు చేస్తున్న ఫర్నిచర్‌, ఇతర సౌకర్యాలపై సమీక్షించారు. అంతకుముందు సిఆర్‌డిఎ కమిషనర్‌ శ్రీధర్‌ పవర్‌ పాయింట్‌ ప్రజెంటేషన్‌ ద్వారా అమరావతిలో నిర్మించనున్న నాలుగు, ఆరువరుసల రహదారులు, ఇతర మౌలిక సదుపాయాల ఏర్పాట్లను వివరించారు. వారంలో ఒక్కో అవ‌స‌రం, సంద‌ర్భానికి ఒక్కో రోజును ప్ర‌క‌టించ‌డం ద్వారా చంద్ర‌బాబు మ‌రో రికార్డును సాధించార‌ని ప‌లువురు అంటున్నారు.






telugu.gulte.com/




ఆ హీరోయిన్ మేక‌ప్ కోసం ఆరుగురు

ఆ హీరోయిన్ మేక‌ప్ కోసం ఆరుగురు
బాలీవుడ్లో మోస్ట్ సెక్సీయెస్ట్ హీరోయిన్ల లిస్టు తీస్తే అందులో సోనమ్ కపూర్ పేరు కచ్చితంగా ఉంటుంది. తొలి సినిమా ‘సావరియా’లో ఆమెను చూసి చాలా ట్రెడిషనల్ అనుకున్నారు కానీ.. ఆమెలోని కొత్త కోణాలు తర్వాత తర్వాతే తెలిశాయి. తన హాట్ హాట్ అందాల్ని ఓ రేంజిలో ఆరబోస్తూ బోల్డ్ బ్యూటీగా పేరు తెచ్చుకుంది సోనమ్. ఐతే ఇప్పుడు ఇంత సెక్సీగా కనిపిస్తున్న సోనమ్.. ఒకప్పుడు మాత్రం చాలా అసహ్యంగా ఉండేదట. ఆ మాట ఎవరో చెప్పట్లేదు. స్వయంగా సోనమే అంటోంది. అసలు తనను చూసి.. ఈ అమ్మాయికి పెళ్లే కాదేమో అని కూడా కామెంట్లు చేసేవాళ్లని ఆమె చెప్పుకొచ్చింది.

‘‘నా టీనేజీలో నేను ఏమంత అందంగా ఉండేదాన్ని కాదు. అబ్బాయిల కంటే పొడుగుండేదాన్ని. పైగా లావు కూడా ఎక్కువ. అందులోనూ నా రంగు కూడా తక్కువే. దీంతో ఎక్కడికైనా వెళ్లాలన్నా సిగ్గుగా అనిపించేది. ఫ్యామిలీ ఫంక్షన్లకు వెళ్లినపుడు అసలీ ఈ అమ్మాయికి పెళ్లి అవుతుందా.. అని గుసగుసలాడేవాళ్లు కూడా. అందుకే బాలీవుడ్లోకి వచ్చే ముందు చాలా ఆలోచించాను. నన్ను నేను మార్చుకున్నాను. తిండి కంట్రోల్ చేసి తగ్గాను’’ అని సోనమ్ చెప్పింది. ఇక ఇప్పుడు కూడా తానేమీ పెద్ద అందగత్తెను కాదని.. అందరు హీరోయిన్ల లాగే తనకు కూడా మేకప్ అవసరం చాలా ఉంటుందని ఆమె అనడం విశేషం. ‘‘చాలామంది అమ్మాయిలు ఉదయం నిద్రలేవగానే తమ ముఖాన్ని చూసుకొని  ఫీలవుతుంటారు. హీరోయిన్లలా అందంగా లేమే అని బాధపడుతుంటారు. ఐతే నిద్ర నిద్రలేవగానే హీరోయిన్లు కూడా సాధారణ అమ్మాయిల్లానే ఉంటారు. దానికి నేనూ మినహాయింపు కాదు. నేను ఓ కార్యక్రమం కోసం బయటికి వెళ్లాలంటే.. గంటన్నర పాటు మేకప్‌ వేసుకోవాల్సిందే. నా మేకప్‌ కోసమే ఆరుగురు పనిచేస్తారు’’ అని వెల్లడించిందామె




telugu.gulte.com

మరుగుదొడ్డి లేకుంటే పోటీకి అనర్హులే

ఇంట్లో మరుగుదొడ్డి లేని నేతలు స్థానిక సంస్థల ఎన్నికల్లో పోటీకి అనర్హులుగా చేస్తామని సీఎం ఎన్.చంద్రబాబు ప్రకటించారు. దీనిపై త్వరలో చట్టం చేయనున్నామని తెలిపారు. తిరుపతి మహతి ఆడిటోరియంలో స్వచ్ఛాంధ్రప్రదేశ్ ప్రత్యేక సభను ఆదివారం నిర్వహించారు. ఈ కార్యక్రమంలో సీఎం మాట్లాడుతూ.. రాష్ట్రంలోని 110 మున్సిపాలిటీలు, 1,000 పంచాయతీలను బహిరంగ మల, మూత్ర విసర్జన రహిత(ఓడీఎఫ్)ప్రాంతాలుగా ప్రకటించారు. 2018 అక్టోబర్ 2 నాటికి రాష్ట్రం ఓడీఎఫ్ ప్రాంతంగా గుర్తింపు పొందాలని, దీనికి అధికార యంత్రాంగం శ్రమించాలని సూచించారు.వెయ్యిమంది సర్పంచులకు ఓడీఎఫ్ సర్టిఫికెట్లను అందజేశారు.









sakshi.com

ఏం సాధించారని సన్మానాలు..??

రాష్ట్రానికి ఏం ఒరగబెట్టారని కేంద్రమంత్రి వెంకయ్యనాయుడుకు సన్మానాలు చేస్తున్నారో అర్థం కావడం లేదని వైఎస్సార్‌సీపీ రాష్ట్ర ప్రధాన కార్యదర్శి భూమన కరుణాకరరెడ్డి మండిపడ్డారు. ఏదైనా గొప్ప విజయాలు సాధించినవారికే సన్మానాలు జరుగుతాయని, మరి రాష్ట్రానికి ద్రోహం చేసి 5 కోట్ల మంది ప్రజలను వంచించి, మోసం చేసినందుకు వెంకయ్యనాయుడికి సన్మానం చేశారా? అని బీజేపీ శ్రేణులను ఆయన ప్రశ్నించారు. తిరుపతి ప్రెస్‌క్లబ్‌లో ఆదివారం ఏర్పాటు చేసిన విలేకరుల సమావేశంలో భూమన చంద్రబాబు, వెంకయ్యల తీరుపై మండిపడ్డారు. 

ప్రత్యేక హోదా వస్తే రాష్ట్రానికి ఎంత మేలు జరుగుతుందో అటు వెంకయ్యనాయుడుకు, ఇటు చంద్రబాబునాయుడుకు తెలిసినా ఓటుకు–నోటు కేసులో చంద్రబాబు అడ్డంగా దొరికిపోవడంతో ఆ కేసు నుంచి బయట పడేందుకు ప్రత్యేక హోదాను ప్రధానమంత్రి నరేంద్రమోదీ కాళ్ల వద్ద తాకట్టు పెట్టారని ఆగ్రహాన్ని వ్యక్తం చేశారు. కేవలం ఓటుకు–నోటు కేసు నుంచి తప్పించి, ప్రత్యేక ఫ్యాకేజి పేరుతో చంద్రబాబుకు రూ.వేల కోట్లు దోచిపెట్టేందుకు వెంకయ్యనాయుడు ప్రయత్నిస్తున్నారని ఆరోపించారు. అయితే ఆంధ్ర రాష్ట్రంలోని ఏ నియోజవర్గం నుంచి తాను గెలవకపోయినా ప్రత్యేక హోదా కోసం పోరాడానని వెంకయ్యనాయుడు చెప్పడం బాధాకరమన్నారు. వెంకయ్యకు రాష్ట్రంలో ఏ నియోజకవర్గం లేకపోయినా కానీ, చంద్రబాబు నుంచి ప్రయోజనం మాత్రం పుష్కలంగా ఉందన్నారు. వెంకయ్యనాయుడుకు రాష్ట్ర ప్రజల శ్రేయస్సు కన్నా చంద్రబాబు శ్రేయస్సే మిన్న అని మండిపడ్డారు. ఆ నాడు మాజీ ప్రధానమంత్రి మన్మోహన్‌సింగ్‌ రాష్ట్ర విభజన నేపధ్యంలో ఆంధ్ర రాష్ట్రానికి ఐదేళ్లు ప్రత్యేక హోదా కల్పిస్తామని చెబితే అలా కాదు పదిహేనేళ్లు కల్పించాలంటూ సాక్షాత్తు తిరుపతి శ్రీవారి సన్నిధిలో ప్రధానమంత్రి నరేంద్రమోదీ, వెంకయ్యనాయుడు, చంద్రబాబులు చెప్పారని గుర్తు చేశారు. 

అయితే ఇప్పుడు ప్రత్యేక హోదా ఏమైనా సంజీవినా అంటూ హేలనగా మాట్లాడుతూ ప్రత్యేక ఫ్యాకేజి కల్పిస్తామని చెప్పడం అంతకన్నా మరో వంచన లేదన్నారు. భోపాల్‌ ఫ్యాక్టరీ నుంచి వెలువడే విష వాయువు కన్నా వెంకయ్యనాయుడు, చంద్రబాబులు మాట్లాడే మాటలు విషపూరితమన్నారు. రాష్ట్రానికి ప్రత్యేక హోదా వస్తే అన్ని విధాల అభివద్ధి సాధ్యమవుతుందని వైఎస్సార్‌సీపీ అధ్యక్షులు, ప్రధానప్రతిపక్ష నేత వైఎస్‌.జగన్‌మోహన్‌రెడ్డి ఉద్యమ, పోరాటాలు చేస్తే అరెస్ట్‌లు చేయించి కేసులు పెడతారా? అని మండిపడ్డారు. రాజకీయ చరిత్రలో ఎన్నడూ లేనివిధంగా చంద్రబాబు నియంతపాలన సాగిస్తూ ప్రత్యేక హోదాపై ఎవరైనా ఉద్యమాలు చేస్తే వారిపై పీడీయాక్ట్‌ కేసులు నమోదు చేయమని పోలీసులకు ఆదేశాలు జారీ చేయడం సిగ్గుచేటన్నారు. ఉద్యమాలను అణగతొక్కాలని చూస్తే రాష్ట్ర ప్రజలు తగిన గుణపాఠం చెబుతారని హెచ్చరించారు. రెండన్నరేళ్ల కాలంలో రాష్ట్రప్రజలకు చంద్రబాబు వల్ల ఒరిగిందేమి లేదన్నారు. 

రాష్ట్రానికి ప్రత్యేక హోదా తీసుకురావడం కోసం ప్రతిఒక్కరు ఉద్యమించాల్సిన అవసరం ఎంతైనా ఉందన్నారు. ఈ సమావేశంలో పార్టీ నగర అధక్షులు పాలగిరి ప్రతాప్‌రెడ్డి, నాయకులు దుద్దేల బాబు, ముద్రనారాయణ, బొమ్మగుంట రవి, పుల్లూరు అమరనా«ద్‌రెడ్డి, కట్టా గోపీయాదవ్, రాజేంద్ర, చెలికం కుసుమ, శ్యామల, గీతాయాదవ్, శారద, పుష్పలత పాల్గొన్నారు.






sakshi.com

టీవీ నటికి తుపాకీతో బెదిరింపులు

హాలీవుడ్ రియాలిటీ టీవీ స్టార్ కిమ్ కర్దాషియన్ ప్రాణాపాయం నుంచి తప్పించుకుంది. పారిస్ హోటల్ లో బస చేసిన ఆమెను ఆదివారం ఇద్దరు దుండగులు తుపాకీతో బెదిరించారు. పోలీసులు దుస్తులు ధరించి, ముసుగడు వేసుకుని వచ్చిన దుండగులు హోటల్ లోకి చొరబడ్డారని సీఎన్ఎన్ తెలిపింది. ఈ ఘటన జరిగినట్టు కిమ్ కర్దాషియన్ తరపు ప్రతినిధి ఇనా ట్రెకియోకాస్ ధ్రువీకరించారు. దుండగులు తుపాకీతో బెదిరించడంతో ఆమె వణికిపోయిందని వెల్లడించారు. అయితే ఆమెకు ఎటువంటి హాని చేయలేదని తెలిపారు. ఈ ఘటనపై పోలీసులు దర్యాప్తు చేపట్టారు.

కిమ్ కర్దాషియన్ నుంచి ఏమైనా దోచుకెళ్లారా, లేదా అనేది వెల్లడి కాలేదు. ఫ్యాషన్ వీక్ లో పాల్గొనేందుకు బుధవారం నుంచి ఆమె పారిస్ లో బస చేశారు. తన భార్యను దుండగులు బెదిరించారన్న వార్త తెలియగానే న్యూయార్క్ సిటీఫీల్డ్ లో మ్యూజిక్ అండ్ ఆర్ట్ ఫెస్టివల్ లో పాల్గొన్న కిమ్ కర్దాషియన్ భర్త కాన్ యె వెస్ట్ తన ప్రదర్శనను మధ్యలోనే ఆపేశారు. కుటుంబ సమస్య కారణంగా ప్రదర్శన నిలిపివేస్తున్నట్టు తెలిపారు.





sakshi.com

హిట్‌ కోసం ఎదురు చూపులు

ఈ మధ్యకాలంలో అస్సలు త్రిషకు తెలుగులో మాత్రం చచ్చినా కలసి రాలేదు. 2011లో దమ్ము సినిమాతో మొదలైన అమ్మడి పతనం.. అలాగే కంటిన్యూ అవుతూ వచ్చింది. ఎన్నో డబ్బింగ్‌ సినిమాలు వచ్చినా కూడా ఈమెకు తెరిపిమాత్రం లేనేలేదు. నాయకి కూడా ముంచేసింది. చివరకు ఎంతవాడు గానీ వంటి హైప్‌ వచ్చిన సినిమాలు కూడా ఫ్లాపే అయ్యాయి. ఇప్పుడు ఒక ఆశాకిరణం త్రిష్‌ కెరియర్లో మెరిస్తే ఎలా ఉంటుందో తెలుసా..అందుకే ''ధర్మ యోగి'' అంటూ మనముందుకు వస్తున్నాడు ధనుష్‌. మనోడు డబుల్‌ యాక్షన్‌ లుక్‌‌స తో ఇప్పటికే తమిళంలో ''కోడి'' అంటూ ఇరగదీశాడు. 

ఈ సినిమా మోషన్‌ పోస్టర్‌ కూడా మామూలుగా లేదు. అందుకే ఇప్పుడు ఆ సినిమాను ఒకేసారి తెలుగులో కూడా రిలీజ్‌ చేస్తారట. ఇందులో నెగెటివ్‌ పాత్రను పోషించే ధనుష్‌ పెయిర్‌ గా త్రిష్‌ ఒక పవర్‌ ఫుల్‌ రోల్‌ చేసింది. ఒకవేళ ఈ సినిమా క్లిక్కయ్యి ఈ రోల్‌ కూడా క్లిక్కయితే మాత్రం తెలుగులో త్రిషకు కాస్త ఊపొచ్చే ఛాన్సుంది. కాకపోతే ఇప్పటికే అమ్మడు ముఖంలో ఆంటీ లుక్‌‌స వచ్చేయడంతో యంగ్‌ హీరోలు మాత్రం ఎగబడే అవకాశం లేదులే. తమిళంలో కూడా త్రిష చేతిలో రెండు హారర్‌ సినిమాలున్నాయి. వీటిలో ఒక్కటి క్లిక్కయినా కూడా అమ్మడు బ్యాక్‌ టు ఫామ్‌ వచ్చేయొచ్చు అనుకుంటోంది. చూద్దాం మరి తెలుగు అండ్‌ తమిళంలో మరోసారి పుంజుకుంటుందేమో.




suryaa.com

అవును.. మేం లవ్‌లో ఉన్నాం

సెలబ్రిటీల జీవితంలో ఏం జరుగుతోందో తెలుసుకోవాలనే కుతూహలం చాలామందికి ఉంటుంది. ముఖ్యంగా వాళ్ల లవ్‌ లైఫ్‌ గురించి తెలుసుకోవడానికి ఆసక్తిగా ఉంటారు. ఈ మధ్యకాలంలో తెలుగు పరిశ్రమలో అలా ఆసక్తిగా నిలిచిన జంట నాగచైతన్య, సమంత. వీళ్లిద్దరూ లవ్‌లో పడ్డారనే వార్త వచ్చినప్పట్నుంచీ రకరకాల వార్తలు వస్తున్నాయి. అవును.. మేం లవ్‌లో ఉన్నాం అని బహిరంగంగా చెప్పినా, ఈ వార్తలకు ఫుల్‌స్టాప్‌ పడలేదు. పెళ్లెప్పుడు అనే చర్చ జరుగుతోంది. దానికి ఇంకా టైమ్‌ ఉందని చెప్పేశారు. ఆ సంగతలా ఉంచితే.. అసలు వీళ్లిద్దరూ ఎప్పుడు లవ్‌లో పడ్డారబ్బా? అనే చర్చ జరుగుతోంది. ఇదే విషయం గురించి ఓ తాజా ఇంటర్వూ్యలో సమంత కొన్ని ఆసక్తికరమైన విషయాలు పంచుకున్నారు. మొదట్లో మంచి స్నేహితుల్లా ఉండేవాళ్లమనీ, ఆ తర్వాత అది ప్రేమగా మారిందనీ సమంత పేర్కొన్నారు. ఎప్పుడు లవ్‌గా టర్‌‌న అయిందనే విషయం మాత్రం ఆమె స్పష్టంగా చెప్పలేదు. అయితే, ముందు నుంచీ నాగచైతన్యతో తన లవ్‌ గురించి క్లూ ఇస్తూ వచ్చానని, ఆ విషయాన్ని ఎవరూ గమనించలేదనీ సమంత పేర్కొనడం విశేషం. 

ఆ విషయం గురించి సమంత మాట్లాడుతూ - నా మొదటి సినిమా ఏ మాయ చేసావె అప్పట్నుంచీ మా గురించి హింట్‌ ఇస్తూ వస్తున్నాను. కానీ, ఎవరూ ఆ విషయాన్ని గ్రహించలేదు. మొదట్లో నేను ఇచ్చిన ఇంటర్వూ్యల్లో మీతో కలసి యాక్‌‌ట చేసిన హీరోల గురించి వన్‌ వర్‌‌డ చెప్పండి అని రిపోర్టర్లు అడిగితే, నాగచైతన్య గురించి చెప్పేటప్పుడు ఫస్‌‌ట లవ్‌ అనేదాన్ని. ఆ క్లూని ఎవరూ పట్టుకోలేకపోయారు. నా జీవితంలో నాగచైతన్య ముఖ్యమైన వ్యక్తి. ఇండస్ట్రీలో నా మొదటి స్నేహితుడు తనే. ఎప్పటికీ తను నాకు బెస్‌‌ట ఫ్రెండే. ఇండస్ట్రీలో ఒకటిగా ఎదిగాం. ఒకవేళ మేమిద్దరం కలసి ఉండలేకపోతే.. ఇక ఎవరితోనూ ఉండలేం అనిపించింది. దాంతో ఒక నిర్ణయానికి వచ్చేశాం అని పేర్కొన్నారు



suryaa.com

కళ్యామ్‌ రామ్‌ కోసం పూరీనే పాడేశాడు

పూరీ జగన్నాథ్‌ ఏ రేంజ్‌ ట్యాలెంటెడ్‌ అనే విషయం స్పెషల్‌ గా చెప్పాల్సిన పనేమీ లేదు. స్టోరీ.. స్క్రీన్‌ ప్లే.. డైలాగ్‌‌స.. అంటూ పడే టైటిల్‌ కార్‌‌డ చూస్తే.. పూరీ ఏ రేంజ్‌ లో ట్యాలెంట్‌ చూపిస్తాడో అర్ధం అవుతుంది. హిట్‌‌స విషయంలో ఈ మధ్య వెనకబడ్డాడనే కామెంట్‌‌స రావడంతో.. కళ్యామ్‌ రామ్‌ తో తనలో కొత్త కోణాన్ని చూపించేందుకు వచ్చేస్తున్నాడు పూరీ. ఇజం అంటూ కళ్యాణ్‌ రామ్‌ ఫస్‌‌ట లుక్‌ నుంచి షాకులు ఇస్తూనే ఉన్నాడు పూరీ జగన్నాథ్‌. 

ఆ తర్వాత ఇజం టీజర్‌ తో ఇచ్చిన షాక్‌ నుంచి కోలుకోవడానికి ఇండస్ట్రీకి కొన్ని రోజులు పట్టేసింది. ఇక అక్టోబర్‌ లో ఇజం విడుదలకు ప్లాన్‌ చేస్తుండగా.. ఇప్పుడు ఈ మూవీలోని పాటలకి సంబంధించి ట్రాక్‌ లిస్‌‌ట బయటకొచ్చింది. సాధారణంగా అయితే.. ఆడియో రిలీజ్‌ కాకుండా.. కేవలం లిస్‌‌ట చూసి చెప్పేందుకు ఏం ఉండదు కానీ.. పూరీ ఈ మూవీకి ఆమాత్రం ప్రత్యేకత ఉంది. అదే.. ఇజంలో పూరీ జగన్నాథ్‌ రెండు పాటలు పాడేయడం. 'యే.. యే.. యే రా..' అంటూ సాగే పాటతో పాటు 'ఇజం' థీమ్‌ సాంగ్‌ ను కూడా పూరీ తనే పాడేశాడు. ఈ మూవీపై తానెంత పట్టుదలగా ఉన్నాడో చెప్పకనే చెప్పాడు పూరీ. నిజానికి పూరి ఇలా పాట పాడ్డం కొత్తేమీ కాదు. బిజినెస్‌ మ్యాన్‌ మూవీలో థీమ్‌ సాంగ్‌ ని.. టెంపర్‌ మూవీలో దేవుడా దేవుడా పాటను కూడా పాడాడు. వాటిలో వేరే సింగర్‌ తో కలిపి పాడగా.. కానీ లీడ్‌ మేల్‌ సింగర్‌ గా మాత్రం ఇజంలోనే పాడుతున్నాడు పూరీ జగన్నాథ్‌.




suryaa.com

ఇలా అయితే.. ఎంపీలు ఎలా బతుకుతారు పాపం!

ఇంతలోనే మరోసారి ధరల పెంపా! ఎంపీలు ఎలా బతుకుతారు? పాపం! ఈ ఏడాది జనవరిలో ఒకసారి పార్లమెంటు క్యాంటీన్లో ధరల పెంపు జరిగింది. ఇంతలోనే మరోసారి అక్కడ ఆహార పదార్థాల ధరల పెంపుకు సిఫార్సు చేసింది ఎంపీల కమిటీ. 
దేశంలోనే అత్యంత తక్కువ ధరలకు రుచికరమైన, పోషకార మిళితమైన భోజనం దొరికేది పార్లమెంట్ క్యాంటీన్ లోనే అని వేరే చెప్పనక్కర్లేదు. రెండు మూడేళ్ల కిందట పార్లమెంటు క్యాంటీన్ లో ఆహార పదార్థాల ధరల పట్టిక ఒకటి సోషల్ నెట్ వర్కింగ్ సైట్లలో షేర్ అవుతూ.. సామాన్యుడిలో ఆగ్రహావేశాలను రేకెత్తిస్తూ వచ్చింది. సబ్సిడీ ధరలతో ఎంపీలకు భోజనాలు అందిస్తున్నారు.. వారికి పావలాలకు, రూపాయిలకే సుష్టుగా భోంచేసే అవకాశాన్ని ఇస్తూ.. ప్రతియేటా కొన్ని కోట్ల రూపాయల భారాన్ని ప్రజలపై మోపుతున్న విషయం సోషల్ మీడియా ద్వారా అందరికీ అవగాహనలోకి వచ్చింది.
అయితే ఎంపీలు మాత్రం నిస్సిగ్గుగా  ఆ సబ్సిడీ ధరలతో భోజనాలు చేస్తూ బతికారు. కోట్ల రూపాయలకు అధిపతులు, వ్యాపార సామ్రాజ్యాధినేతలు అయిన ఎంపీలు.. తాము తినే తిండి విషయంలో కూడా జనాలపై భారాన్ని మోపుతూ వచ్చారు. అయితే ఎట్టకేలకూ ఈ విషయంలో ఈ ఏడాది జనవరిలో కొంత మార్పు వచ్చింది. 
అటు ఇటుగా.. ఈ ధరలను రెట్టింపు చేశారు. అయినప్పటికీ.. పార్లమెంటు క్యాంటీన్ చౌక ధరల హోటల్ గా తన స్థానాన్ని నిలబెట్టుకుంది. ఈ నేపథ్యంలో స్పీకర్ సుమిత్రా మహాజన్ .. ఈ ధరలను పెంచే విషయాన్ని పరిశీలించాలని పార్లమెంటరీ కమిటీకి సూచించిందట. దీనిపై ఆ కమిటీ పరిశీలన చేసి.. ఉభయ సభలకూ తమ నిర్ణయాన్ని తెలియజేయనుంది.
మరి.. ఈ సారి ఎంపీల నుంచి కచ్చితంగా అభ్యంతరాలు వచ్చే అవకాశాలున్నాయి. జనాలు ఛీదరించుకుంటున్నారని.. జనవరిలో ధరల  పెంపుకు ఒప్పుకున్నారు. ఈ సారి మాత్రం  “అయ్యో..ధరలు పెరిగితే ఎలా, జనాల మీద పడి బతకడం అలవాటైన మేం బతకడం ఎలా..’’ అని కొంతమంది ఎంపీలపైనా ఆందోళన వ్యక్తం చేసే అవకాశాలు పుష్కలంగా ఉన్నాయి.



telugu.greatandhra.com



Loksabhaparliamentparliament canteen
AndhraMetro.com 2016. Powered by Blogger.
 
ఆంధ్రమేట్రో AndhraMetro.com - 2015 - 2016 | All Rights Reserved - Contact Us : infogreatindia2013@gmail.com