Headlines News :
Home » » దసరా, దీపావళికి 36 ప్రత్యేక రైళ్లు

దసరా, దీపావళికి 36 ప్రత్యేక రైళ్లు

దసరా, దీపావళి పండగల రద్దీ దృష్ట్యా గుంటూరు మీదగా 36 ప్రత్యేక రైళ్లను నడపనున్నట్లు దక్షిణ మధ్య రైల్వే సీపీఆర్‌వో బుధవారం ప్రకటనలో తెలిపారు. నెంబర్ 07438 కాచీగూడ - టాటానగర్ ప్రత్యేక రైలు 26, అక్టోబర్ 3, 10, 17, 24, 31, నంబర్ 7, 14 తేదీల్లో మధ్యాహ్నం 1 గంటకు బయలుదేరి మల్కాజ్‌గిరి, నల్గొండ, మిర్యాలగూడ, పిడుగురాళ్ల మీదగా సాయంత్రం ఆరు గంటల సమయంలో గుంటూరుకు చేరుకొని విజయవాడ, విశాఖపట్టణం, భువనేశ్వర్ మీదగా మరుసటి రోజు రాత్రి7.45 గంటలకు టాటానగర్‌కు చేరుకొంటుంది. నెంబర్ 07439 టాటానగర్ -కాచీగూడ ప్రత్యేక రైలు ఈ నెల 27, అక్టోబర్ 4, 11, 18, 25, నంబర్ 1, 8, 15 తేదీల్లో రాత్ర 10.50 గంటలకు బయలుదేరి మరుసటి రోజు అర్ధరాత్రి గుంటూరు వచ్చి రెండో రోజున వేకువజామున 5 గంటలకు కాచీగూడ చేరుకొంటుంది. ఈ రైళ్లలో ఏసీ టూటైర్, రెండు ఏసీ త్రీటైర్, ఏడు స్లీపర్‌క్లస్, ఆరు జనరల్ సెకండ్ క్లాస్ కోచలుంటాయని సీపీఆర్‌వో తెలిపారు.

హైదరాబాద్ - విశాఖపట్నం - సికింద్రాబాద్ ప్రత్యేక రైళ్లు
నెంబర్ 07071 హైదరాబాద్ - విశాఖపట్టణం ప్రత్యేక రైలు ఈ నెల 28, అక్టోబర్ 5, 12, 19, 26 తేదీల్లో రాత్రి 9.10 గంటలకు బయలుదేరి సికింద్రాబాద్, పగిడిపల్లి, నల్గొండ, మిర్యాలగూడ, పిడుగురాళ్ల, సత్తెనపల్లి మీదగా వేకువజామున గుంటూరుకు వచ్చి విజయవాడ మీదగా మరుసటి రోజు ఉదయం 10.25 గంటలకు విశాఖపట్టణం చేరుకొంటుంది. నెంబర్ 07072 విశాఖపట్టణం - సికింద్రాబాద్ ప్రత్యేక రైలు ఈ నెల 29, అక్టోబర్ 6, 13, 20, 27 తేదీల్లో సాయంత్రం 6.55 గంటలకు బయలుదేరి అర్ధరాత్రి దాటాక గుంటూరు వచ్చి మరుసటి రోజు ఉదయం 8 గంటలకు సికింద్రాబాద్ చేరుకొంటుంది. ఈ రైలులో ఏసీ టూటైర్, రెండు ఏసీ త్రీటైర్, పది స్లీపర్‌క్లాస్ కోచలుంటాయి.

సికింద్రాబాద్ - విశాఖపట్టణం - హైదరాబాద్ ప్రత్యేక రైళ్లు
నెంబర్ 07069 సికింద్రాబాద్ - విశాఖపట్టణం ప్రత్యేక రైలు ఈ నెల 30, అక్టోబర్ 7, 14, 21, 28(శుక్రవారం) తేదీల్లో రాత్రి 9.40 గంటలకు బయ లుదేరి పగిడిపల్లి, నల్గొండ, మిర్యాలగూడ, పిడుగురాళ్ల, సత్తెనపల్లి మీదగా మరుసటి రోజు వేకువజామున గుంటూరుకు వచ్చి విజయవాడ మీదగా ఉద యం 10.25 గంటలకు విశాఖపట్టణం చేరుకుంటుంది. నెంబర్ 07070 విశాఖపట్టణం - హైదరాబాద్ ప్రత్యేక రైలు అక్టోబర్ 1, 8, 15, 22, 29 తేదీ ల్లో(శనివారం) సాయంత్రం 6.55 గంటలకు బయలుదేరి అర్ధరాత్రి దాటాక గుంటూరు వచ్చి మరుసటి రోజు ఉదయం 8 గంటలకు సికింద్రాబాద్, 8.45 గంటలకు హైదరాబాద్‌కు చేరుకుంటుంది. ఈ రైలులో ఏసీ టూటైర్, రెండు ఏసీ త్రీటైర్, 10 స్లీపర్‌క్లాస్ కోచలుంటాయని సీపీఆర్‌వో తెలిపారు. గురువారం నుంచి ఈ రైళ్లకు రిజర్వేషన సౌకర్యం ప్రారంభిస్తోన్నట్లు వెల్లడించారు.






suryaa.com
Share this article :
 
ఆంధ్రమేట్రో AndhraMetro.com - 2015 - 2016 | All Rights Reserved - Contact Us : infogreatindia2013@gmail.com