Headlines News :
Home » » రెండేళ్ల తర్వాతే పెళ్లి!

రెండేళ్ల తర్వాతే పెళ్లి!

టాలీవుడ్‌లో ఎలిజిబుల్ బ్యాచిలర్ల సంఖ్య తగ్గిపోతోంది. గతేడాది నుంచి చాలామంది కుర్ర హీరోల పెళ్లిళ్లు జరగ్గా.. రీసెంట్‌గా నాగ చైతన్య.. అఖిల్‌లు కూడా పెళ్లి బాట పట్టేశారు. అయితే ఈ లిస్ట్‌లో ఉన్న దగ్గుబాటి రానా మాత్రం పెళ్లి కబురు వినిపించడం లేదు. చైతు.. అఖిల్‌లు కూడా పెళ్లికి సై అనేయడంతో.. వాళ్లకు బావ వరుసయ్యే రానా ఇంకా బ్యాచిలర్ గానే ఉండడం.. ఇంట్లోవాళ్లని కాస్త ఇబ్బంది పెడుతోంది. గతంలోనే ఈ హీరోకి కొంతమంది హీరోయిన్స్‌తో లవ్ అంట టాక్ వినిపించింది. ఈ లిస్ట్‌లో చెన్నై బ్యూటీ త్రిష పేరు కూడా ఉంది కానీ.. తామిద్దరం జస్ట్ ఫ్రెండ్స్ అని ఇద్దరూ తేల్చేశారు. అయితే.. ఇప్పుడు ఇంట్లోనుంచి పెళ్లి విషయంలో ఎంత ప్రెజర్ వస్తున్నా రానా మాత్రం మనసు మార్చుకోవడం లేదట. 

తనకు ఇప్పుడప్పుడే పెళ్లి చేసుకునే మూడ్ లేదని తేల్చేస్తున్నాడట హీరో. ఇందుకు కారణంగా.. ప్రస్తుతం తన చేతిలో ఉన్న సినిమా కమిట్మెంట్స్ ని చూపిస్తున్నట్లు తెలుస్తోంది. కొన్ని రోజుల క్రితం వరకు బాహుబలి ది కంక్లూజన్ షూటింగ్ లో బిజీగా ఉన్న రానా.. రీసెంట్ గానే దాన్ని ఫినిష్ చేశాడు. తేజ దర్శకత్వంలో రూపొందే నేనే రాజు- నేనే మంత్రితో పాటు.. ఇండియాలో మొదటి సబ్ మెరైన్ మూవీ ఘాజీలోను.. రెజీనా ప్రధాన పాత్రలో తెరకెక్కే తెలుగు-తమిళ్ బైలింగ్యువల్ లోనూ రానా నటించాల్సి ఉంది. ఇవన్నీ పూర్తయ్యే సరికి రెండేళ్లు పడుతుందని.. ఆ తర్వాతే పెళ్లి సంగతి ఆలోచిస్తానని తేల్చేస్తున్నాడట రానా.




suryaa.com
Share this article :
 
ఆంధ్రమేట్రో AndhraMetro.com - 2015 - 2016 | All Rights Reserved - Contact Us : infogreatindia2013@gmail.com