Headlines News :
Home » » కుర్రకారు హీరో రామ్ ఎందుకిలా చేస్తున్నాడు !

కుర్రకారు హీరో రామ్ ఎందుకిలా చేస్తున్నాడు !

కొన్నేళ్లుగా వరుస ఫ్లాపులు ఫేస్ చేసి ఈ ఏడాది సక్సెస్ ట్రాక్ ఎక్కిన కుర్ర హీరో రామ్‌కు ఫ్లాప్ డైరెక్టర్సే సెంటిమెంట్‌గా మారిపోయారట. యంగ్‌స్టార్ నయా మూవీ కూడా హిట్టయితే... ఇక మనోడు ఇదే స్ట్రాటజీని ఫాలో అయ్యే అవకాశం ఉందంటున్నారు సినీ జనం. సక్సెస్ కోసం ఎదురుచూసే హీరోలెవరైనా సక్సెస్ కొట్టి మంచి స్వింగ్‌లో ఉన్న దర్శకుడితో సినిమా చేయడానికే ఎక్కువగా ఆసక్తి చూపిస్తుంటారు. వరుస హిట్స్‌తో టాప్ రేంజ్‌కు వెళ్లిపోవాలనుకునే హీరోలందరి ఫీలింగ్ దాదాపుగా ఇలాగే ఉంటుందని ప్రత్యేకంగా చెప్పనవసరం లేదు. కానీ యంగ్ హీరో రామ్ మాత్రం ఇందుకు భిన్నంగా ముందుకు సాగుతుండటం ఆసక్తిగా మారింది. అంతకుముందు కోలీవుడ్‌లో ఒక ఫ్లాప్, టాలీవుడ్‌‌లో ఒక ఫెయిల్యూర్‌ను ఫేస్ చేసిన దర్శకుడు కిశోర్ తిరుమలతో 'నేను శైలజ' సినిమా చేసి సక్సెస్ ట్రాక్ ఎక్కాడు రామ్.

ఈ మూవీ తరువాత 'సుప్రీమ్' దర్శకుడు అనిల్ రావిపూడి, దిల్ రాజు డైరెక్షన్‌లో చేయాల్సి ఉందట. అయితే కొన్ని కారణాల వల్ల ఈ సినిమా క్యాన్సిల్ కావడంతో తనకు 'కందిరీగ' వంటి హిట్ ఇచ్చి, ప్రస్తుతం ఫ్లాప్‌లో ఉన్న దర్శకుడు సంతోష్ శ్రీనివాస్ తెరకెక్కించిన 'హైపర్' అనే మూవీలో యాక్ట్ చేశాడు రామ్. ఈ సినిమా కూడా కచ్చితంగా సక్సెస్ అవుతుందని నమ్మకంతో ఉన్న రామ్ తన నెక్ట్స్ మూవీ కోసం కూడా ఫ్లాప్ డైరెక్టర్‌కే ఛాన్స్ ఇచ్చాడని టాక్ వినిపిస్తోంది. ప్రస్తుతం ఫ్లాప్స్‌లో ఉన్న దర్శకుడు కరుణాకరన్‌తో సినిమా చేయాలని రామ్ డిసైడవ్వడం ఇండస్ట్రీలో టాక్ ఆఫ్ ది టౌన్‌గా మారింది. గతంలో తనకు 'ఎందుకంటే ప్రేమంట' వంటి ఫ్లాప్ ఇచ్చిన కరుణాకరన్‌పై పూర్తి నమ్మకంతో ఉన్న రామ్... అతడితో 'క్రేజీ ఫీలింగ్' అనే మూవీని ఫిక్స్ చేసుకోవడంపై ఇండస్ట్రీ వర్గాలు రకరకాలుగా చర్చించుకుంటున్నాయి. మొత్తానికి 'హైపర్' కూడా హిట్టయితే ఇక ఫ్లాప్ డైరెక్టర్‌తో సినిమాలు చేయడం రామ్‌కు సెంటిమెంట్‌గా మారినా ఆశ్చర్యపోనవసరం లేదమో.




andhrajyothy.com
Share this article :
 
ఆంధ్రమేట్రో AndhraMetro.com - 2015 - 2016 | All Rights Reserved - Contact Us : infogreatindia2013@gmail.com